ނަން މަޝްހޫރު ދެ މާއްދާއެއް އެއްކޮށްގެން ތައްޔާރުކުރާ ބާރުގަދަ ގޮވުމެއް ގޮއްވާ ތަކެތި ޖަރުމަންގެ ބަރލިންގެ ރޭލްވޭ ސްޓޭޝަނެއްގައި ހިފައިގެން އުޅުނު މީހަކު ފާސްކުރަން އުޅުމުން، ސާމާން ކޮޅު ދޫކޮށް ފިލައިފިއެވެ. ސަލާމަތީ ފަރާތްތަކުން ބުނެފައި ވަނީ އެމީހާގެ ދަބަހާ މެދު ޝައްކު ވެގެން ފާސްކުރަން އުޅުމުން އެސޮރު ދަބަސް ދޫކޮށް ރޭލު ދަނގަނޑު މަތިން ދުވެ ފިލީ ކަމަށެވެ.
ފުލުހުން ބުނަނީ މިބާވަތުގެ ގޮވާތަކެތީގެ ބާރުގަދަ ކަމުން ކިޔަނީ އެމީހުން މިއަށް ކިޔާނީ "މަދަރް އޮފް އޯލް ޑެވިލްސް" ކަމަށެވެ. އިބުލީސްގެ އަމާ ތޯއްޗެކެވެ!
ފުލުހުން މިހޯދައިގަތް ގޮވާތަކެތި އެމީހުން ވަނީ ބަގީޗާއެއްގައި ވަޅުގަނޑެއް ކޮނެފައި އެއަށް އަޅައި ގޮއްވާލާފައެވެ. އެތައް ހިސާބަކަށް މި ގޮމުގެ އަޑު އިވި އިންޒާރުގެ ރަނގަބީލުތައް ވެސް ޖެހެން ފެށިއެވެ.
އެކަމަކު ފުލުހުންގެ މި ހޯދުމާ މެދު ސުއާލު އުފެދޭ ކަންތައްތަކެއް ވެއެވެ!
ހޯދައި ގަތް ދަބަހަކީ 2020ގައި ގެއްލިގެން ރިޕޯޓުކޮށްފައިވާ ދަބަހެކެވެ.
ދަބަހުން ފެނިފައި ވަނީ ޕޮލެންޑް މީހެއްގެ ކާކުކަން އައިދޭ ކާޑެކެވެ.
ދަބަސް ހިފައިގެން އުޅުނީ ކާކުކަން ފުލުހުންނަކަށް ނޭނގެއެވެ.
މާސިންގާ ރޭލް ސްޓޭޝަނެއްގައި އެތައް ހާސް މީހުންގެ ތެރޭން އެ ސޮރު ހޯދައި އެ ދަބަސް ފާސް ކުރަން ފުލުހުންނަށް ޝައްކު ކުރެވުނީ ކިހެނެއް ކަމެއް ބުނެއެއް ނުދެވެއެވެ.
