ކުރީ ސަރުކާރުން ކުންފުނިތައް ލައްވައި މަސައްކަތް ކުރުވާފައި ފައިސާ ނުދިނުމުން ސަރުކާރުގެ ދަރަނި ބޮޑުވެފައިވާ ކަމަށް ބުނެ ސަރުކާރަށް ގޮތެއް ހޯދަން މަޖުބޫރު ވެއްޖެއެވެ. އިންޑޮނޭޝިއާގެ އައު ރައީސް ޕްރްބޯވޯ ސުބިއަންޓޯ މަގާމާ ހަވާލުވެވަޑައިގަތް އިރު އޭނާގެ ގައުމު މިއޮތީ 186 ބިލިއަން ޑޮލަރުން ދަރަނި ވެރިވެފައެވެ. ސަރުކާރު ކުންފުނިތަކާއި އަމިއްލަ ކުންފުނިތައް ލައްވައި މަސައްކަތް ކުރުވާފަ ފައިސާ ނުދީގެން އެކުންފުނިތައް ވަނީ ދަރަނިވެރި ވެފައެވެ.
ކުރީ ރައީސް ޖޯކޯ ވަނީ ވެރިރަށް ކުޑަވެގެން ބޮޑުރަށެއްގައި އިންވެސްޓު ކުރުމަށްޓަކައި އައު ވެރިރަށެއް ބިނާކުރަން ފަށާފައެވެ. އެތަނަށް 800 ބިލިއަން ޑޮލަރު ޚަރަދުކޮށްފައި ވެއެވެ.
އައު ރައީސް ވިދާޅުވަނީ ގައުމީ އެއާލައިން ދަރަނިވެރި ވެފައިވާ ކަމަށެވެ. ސަރުކާރުގެ އެންމެ ބޮޑު ދަނގަޑު އުފައްދާ ކުންފުނިވެސް ދަރަނިވެރި ވެފައިވާ ކަމަށެވެ.
