ބްރަޒިލްގެ ކަޅު ނަސްލުގެ އަންހެން ސިޔާސީ ލީޑަރަކު މަރާލުމުގެ ކުށުގައި ސިފައިންގެ ދެމީހަކަށް ދިގު މުއްދަތުގެ ޖަލު ހުކުމެއް ކޮށްފިއެވެ. ބްރެޒިލްގެ ކޯޓަކުން ބުރާސްފަތި ދުވަހު ހުކުމް ކޮށްފައި ވަނީ ދެ ގާތިލުންގެ މައްޗަށެވެ. އެކަކު 78 އަހަރަށް ޖަލަށް ލުމަށާއި އަނެއް މީހާ 59 އަހަރަށް ޖަލަށް ލާން ހުކުމް ކޮށްފައި ވެއެވެ.
ކުރީގެ މިލިޓަރީ ޕޮލިސްގެ ދެ އޮފިސަރުން ކަމަށްވާ ރޮނީ ލެސާ އާއި އެލްސިއޯ ކުއެރޯޒް ވަނީ 2018 ވަނަ އަހަރުގެ މާޗް މަހުގެ 14 ވަނަ ދުވަހު ރިއޯ ޑި ޖެނީރޯގައި ބަޑިޖަހައި 38 އަހަރުގެ ސިޔާސީ ލީޑަރު މެރިއެލް ފްރެންކޯ މަރާލިކަމަށް އެއްބަސްވެފައެވެ.
78 އަހަރާއި ނުވަ މަސް ދުވަހުގެ ޖަލު ހުކުމެއް އިއްވި ލެސާ ބުނީ ބަޑި ޖެހީ އޭނާ ކަމަށެވެ. 59 އަހަރާއި އަށް މަސް ދުވަހުގެ ޖަލު ހުކުމެއް އިއްވި މީހާ ބުނީ އޭނާ އިނީ ކާރުދުއްވައި ދޭން ކަމަށެވެ.
މި ދެމީހުންނަށް ޙުކުމް ކުރަން ދެ ދުވަސް ނެގިއެވެ.
