ޗައިނާއިން އަޑަށް ވުރެން ބާރަށް ދަތުރުކުރާ މަތިންދާބޯޓެއް ޓެސްޓް ކޮށްފިއެވެ. މިހާތަނަށް ފަސިންޖަރުން ގޮވައިގެން އަޑަށް ވުރެން ބާރަށް ދަތުރުކުރީ ކޮންކޯޑެވެ. ޗައިނާއިން ޓެސްޓް ކޮށްފައިވާ ބޯޓަކީ، ކޮންކޯޑަށް ވުރެން ދެ ގުނަ ހަލުއިކޮށް ދަތުރުކުރާ ބޯޓެކެވެ.
ބެއިޖިންގެ ސްޕޭސް ޓްރާންސްޕޮޓޭޝަން ކުންފުނިން ޓެސްޓްކޮށްފައިވާ މި ބޯޓުގައި، ލަންޑަނުން ނިއުޔޯކަށް ދޮޅު ގަޑި އިރު ތެރޭގައި ދެވޭނެއެވެ. މިހާރު އެއީ 8 ގަޑީގެ ދަތުރެކެވެ. އަދި ކުރިން ކޮންކޯޑްގައި 3 ގަޑި އިރުގެ ދަތުރެކެވެ.
ޓެސްޓްތައް ނިމި 2027ގައި މި ބޯޓު ޚިދުމަތަށް ނެރެވޭނެ ކަމަށް އެކުންފުނިން ބުނެއެވެ.
