ދުހޭ ބޯޓެއްގެ ތެރޭގައި މާރާމާރީ ހިންގައިގެން، އެމެރިކާގެ ސިފައިންގެ އިސްމަސްއޫލުވެރިޔަކާ ދެކޮޅަށް ޖިނާއީ ތަޙުޤީޤެއް ފަށައިފިއެވެ. މިހާރު އިޒްރޭލަށް ދަތުރެއް ކުރައްވަމުން ގެންދަވާ، އެމެރިކާގެ ސެންޓްރަލް ކޮމާންޑްގެ ކޮމާންޑަރު ޖެނެރަލް މައިކަލް ކޮރެއްލާ މެދުއިރުމައްޗަށް ކުރެއްވި ދަތުގައި މަތިންދާބޯޓުގައި ސްޓާފެއްގެ ގަޔަށް އަތްލައި މާރާމާރީ ހިންގަވާފައިވާ ކަމަށް ތުހުމަތުކޮށްފައި ވެއެވެ.
ސީއެންބީސީ ނިއުސްއިން ރިޕޯޓު ކުރި ގޮތުގައި ލޭހޫނު ޖެނެރަލްގެ މާރާމާރީއަށް ހެކިވާ ސިފައިންގެ އެތައް އޮފިސަރަކު ވަނީ ތަހުގީގަށް ހެކިބަޔާން ދީފައެވެ.
އެ ތަހުގީގަށް އަހުލުވެރި އެމެރިކާގެ ތިން އޮފިޝަލަކު ބުނީ މީގެ ހަފްތާއެއްހާ ދުވަސް ކުރިން ސީ-17 މަރުކާގެ އުދުހޭ ބޯޓެއްގައި އޭނާ މާރާމާރީ ހިންގެވީ، ދަތުރުކުރަމުން ދަނިކޮށް މޫސުމް ގޯސްވެގެން ކަމަރު ބަނުމަށް ޕައިލެޓު އެންގުމުން އެ އިރުޝާދު ތަންފީޒު ކުރުމަށް އެނާގެ އަރިހަށް އައި ސިފައިންގެ އެހެން މީހަކާއެކު ކަމަށެވެ.
އޭނައަދިވެސް މަގާމުން އެކަހެރިކޮށްފައި ނުވާކަމަށްވެސް ސީއެންބީސީ ނިއުސްއިން ބުނެއެވެ.
