ޕާކިސްތާންގައި މުދަލުގެ އަގުތައް ބޮޑުވަމުންދާ ދަނޑިވަޅެއްގައި ސަރުކާރުން ވަނީ ޕެޓްރޯލްގެ އަގު ބޮޑު ކޮށްފައެވެ. އެކަމާ ގުޅިގެން ޕާކިސްތާނުގެ ސަރުކާރަށް ފާޑުކިޔުންތަކެއް އަމާޒުގެ ރައްޔިތުން ނުރުހުން ފާޅުކުރަން ފަށައިފިއެވެ.
ޕާކިސްތާނު ސަރުކާރަށް ފާޑު ކިޔަމުން އިދިކޮޅު ޕާޓީތަކުން ބުނެފައިވަނީ ރައްޔިތުންގެ ދިރިއުޅުން އިތުރަށް އުދަގޫ ކުރުމަށް ސަރުކާރުން މަސައްކަތް ކުރާ ކަމަށެވެ.
ޖިއޯ ނިއުސް އިން ބުނާ ގޮތުގައި ޕެޓްރޯލް ލީޓަރެއްގެ އަގުން 1.35 ރުޕީސް ބޮޑުވެ، 248.38 ރުޕީސްއަށް އަރާފައިވާ ކަމަށެވެ.
ހައިސްޕީޑް ޑީސަލް (އެޗްއެސްޑީ) ލީޓަރެއްގެ އަގުން 3.85 ރުޕީސް ބޮޑުވެ، 255.14 ރުޕީސްއަށް އަރާފައި ވެއެވެ.
ޕާކިސްތާނުން މި އާ ރޭޓްތަކަށް އަމަލުކުރަން ފަށާނީ މިހިނގާ ނޮވެމްބަރު މަހުގެ 15 ވަނަ ދުވަހުން ފެށިގެންނެވެ.
މިއާ ޚިލާފަށް ކަރާސީނާއި ލައިޓް ޑީސަލް ތެލުގެ އަގު ވަނީ ލީޓަރަކުން 1.48 ރުޕީސް ބޮޑުކޮށްފައެވެ. ޕާކިސްތާނުން ވަނީ ދާދިފަހުން ކަރަންޓުގެ އަގުވެސް ބޮޑު ކޮށްފައެވެ. އައިއެމްއެފްގެ ބާރުއެޅުމާއެކު ސަރުކާރުން ދަނީ ސަބްސިޑީ ކަނޑާލުމަށްވެސް މަސައްކަތް ކުރަމުންނެވެ.
