ސްޕެއިންގެ އިރުމަތީ ސަރަހައްދުގައި މި ހަފްތާގައި ދިމާވި ފެންބޮޑުވުމުގެ ސަބަބުން 158 މީހުން މަރުވެފައިވެއެވެ. ވެލެންސިއާގެ ވަށައިގެންވާ ސަރަހައްދަށް އެންމެ ބޮޑަށް ގެއްލުންވީ 8 ގަޑިއިރުގެ ތެރޭގައި އަހަރެއްހާ ދުވަހުގެ ތެރޭގައި ވެހޭހައި މިންވަރަށް ވާރޭ ވެހުމުންނެވެ. މަގުތަކުގައި ފެން ކޯރުތައް ހެދުމުގެ ސަބަބުން ގަރާޖްތަކާއި ގޭގޭގައި މީހުން ތާށިވެފައި ތިބެން ޖެހުނެވެ.
ސަރުކާރުން މޫސުމުގެ ނުރައްކަލަށް މީހުންނަށް ފޯނު އެލާޓް ފޮނުވީ ފެންބޮޑުވާން ފެށި ފަހުން ނެވެ. އަދި ސަރުކާރުގެ މޫސުމާ ބެހޭ އިދާރާއިން ބޯކޮށް ވާރޭ ވެހޭނެ ކަމުގެ އިންޒާރު ދިންތާ އެތައް ގަޑިއިރެއްގެ ވެސް ފަހުންނެވެ.
ޔޫރަޕްގެ އޮފިޝަލުން ބުނެފައިވަނީ މިއީ ސްޕެއިންގެ ތާރީހުގައި ހިނގި އެންމެ ނުރައްކާތެރި ފެންބޮޑުވުން ކަމަށެވެ. އަދި މިއިން ދައްކައި ދެނީ މޫސުމަށް އަންނަ ބަދަލުތަކަށް ޔޫރަޕުން ތައްޔާރު ވެފައި ނުވާކަމުގެ އިންޒާރު ކަމަށްވެސް ބުނެއެވެ.
