ހިފާފައިވާ ފަލަސްޠީނުގެ ސަރަހައްދުގައި އިންދާފައިވާ ޔަހޫދުންގެ އާބާދީތަކަށް ޢިރާޤުގެ ހަނގުރާމަވެރިން ދެމުންދާ ޙަމަލަތައް ވަރުގަދަ ކުރުމުން އެއަށް، ރައްދު ހަމަލަ ދޭން ތައްޔާރުވާ ކަމަށް ޒަޔަނިސްޓުން އިއުލާންކޮށްފިއެވެ. ޒަޔަނިސްޓުންގެ މިޑިއާއިން ނަން ހާމަ ނުކުރާ މަސްއޫލުވެރިންގެ ބަޔަކާ ހަވާލާދީ ބުނެފައި ވަނީ އިރާގުގައި ހަމަލަ ދޭން އަމާޒުފަތްގަނޑުތަކެއް ކަނޑައަޅާފައިވާ ކަމަށެވެ.
އިރާގުގެ އިސްލާމީ ހަނގުރާމަވެރިން ދަނީ، ސޫރިޔާއިން ޒަޔަނިސްޓުން ހިފާފައިވާ ގޯލާންގެ އުސްބިންތަކަށާއި އުރުދުންއާ އިންވެގެން އޮންނަ ސަރަހައްދުތަކަށާއި ހިފާފައިވާ އީލާތަށް ޑްރޯނުންނާއި މިސައިލުން ހަމަލަތައް ދެމުންނެވެ.
އިރާގު ސަރުކާރުން ދަނީ އިސްލާމީ ހަނގުރާމަވެރިންގެ ހަމަލަތައް ހުއްޓުވުމަށް މަސއްކަތް ކުރަމުންނެވެ. ނަމަވެސް އިރާގު މެދުރިކޮށް އީރާނަށް ހަމަލަ ދިން މައްސަލަ އިރާގުން ކުށްވެރިކޮށް އެމައްސަލަ އދއަށް ވައްދާފައިވާއިރު އިރާގުން ހަމަލަ ނުދިނުމަށް ކުރާ މަސައްކަތްތަކަށް ހަނގުރާމަވެރިންގެ ތާއީދެއް ނުލިބެއެވެ.
ޒަޔަނިސްޓުންގެ ހަމަލަތަކެއްގެ އަމާޒަކަށް، އިރާގުގެ ތެޔޮ އުފައްދާ ތަންތަނާއި އިންޖީނުގެތައް ހިމެނޭ ކަމަށް އިޒްރޭލު މީޑިއާއިން ބުނެއެވެ.
އޭގެ އިތުރުން ޒަޔަނިސްޓު މީޑިއާއިން ބުނަނީ އިރާގުގެ ސަރަހައްދަށް އީރާނުން ބެލިސްޓިކް މިސައިލްތައް ގެންގޮސްފައިވާ ކަމަށާއި އެކަން ޒަޔަނިސްޓުން ސެޓެލައިޓުން މޮނީޓާ ކުރަމުންދާ ކަމަށެވެ.
ކޮންމެއަކަސް މެދުއިރުމަތީގެ ހަމަނުޖެހުން ދަނީ މަޑުމަޑުން ފުޅާވަމުންނެވެ. އެއީ އިޒްރޭލުގެ ބާރު ކުޑަވުމަށް މެދުވެރި ކަންކަމެވެ. ކޮންމެ އައު ހަމަލައަކާއެކު އިޒްރޭލުގެ ބާރު ކުޑަވެ، އެތެރޭން ޔަހޫދީ މުޖުތަމައު ލޫދި ބައިބައިވެގެން ދިއުމަށް މެދުވެރިވެއެވެ.
އީރާނުން މިއަދުވެސް ޔަޤީންކަން ދީފައިވަނީ އިޒްރޭލުން ހީވެސް ނުކުރާ ގޮތަކަށް ވަޢުއްޞާދިޤު 3 އިޒްރޭލާ ބައްދަލު ކުރާނެ ކަމަށެވެ!
