އިންޓަރނޭޝަނަލް ލޭބަރ އޮގަނައިޒޭޝަން އައިއެލްއޯ އިން ފަލަސްޠީނަކީ ދައުލަތެއް ކަމަށް ބަލައިގެންފިއެވެ. ކުރިން އައިއެލްއޯގެ ނަޒަރުގައި ފަލަސްޠީނަކީ މިނިވަންކަމުގެ ހަރަކާތެކެވެ. ނަމަވެސް މިހާރު ވަނީ އޮބްޒާވަރ ދައުލަތެއްގެ ހައިސިއްޔަތު ދީފައެވެ.
އިންޓަރނޭޝަނަލް ޓްރޭޑް ޔޫނިއަން ކޮންފެޑެރޭޝަނުން ވަނީ މިކަމަށް މަރުހަބާ ކިޔާފައެވެ.
އެމެރިކާއިން ހަތިޔާރު ދީގެން ފަލަސްޠީނުގައި ހިންގާ ޓީވީން ލައިވް ކުރާ ޤަތުލުއާންމަށްފަހު، ސްޕެއިން އަދި އަޔަރލެންޑާއި ނޯރވޭއިން ވަނީ ފަލަސްޠީނު ދައުލަތެއްގެ ގޮތުގައި ބަލައިގެންފައެވެ.
އެއާއެކު ދުނިޔޭގެ 146 ގައުމަކުން ފަލަސްޠީނު ދައުލަތެއް ކަމަށް ބަލައި ގެންފައި ވެއެވެ.
