އިޒްރޭލުން ބޭރުވާ ކޮންމެ ވާހަކައަކީ އިޒްރޭލުގެ މުޖުތަމައުގެ ބަލިކަށިކަމާއި ބައިބައިވުން ސާބިތުކޮށްދޭ ވާހަކަތަކެކެވެ. އިޒްރޭލަކީ ހުލިވުމަކާ ދިމާއަށް މިސްރާބު ޖަހާފައިވާ ވަގުތީ ގައުމެކެވެ.
ނަތަންޔާހޫ އޮފީހުން މައުލޫމާތު ފާއްދާލުމުގެ ތުހުމަތުގައި މިއަދު މެންދުރާ ހަމައަށް ހައްޔަރު ކުރީ 4 ޔަހޫދީންނެވެ. މިހާރު 5 ވަނަ ޔަހޫދީއަކު ހައްޔަރުކޮށްފިއެވެ.
ހިފާފައިވާ އީލާތުގެ ހޮޓަލެއްގައި އަންހެނުންނާއި ދަރިއާއެކު ފިލައި އޮތްވައި ފުލުހުން ކޮޓަރީގެ ދޮރު ވައްޓާލައިގެން އޭނާ އުފުރާލައިގެން ތެލްއަވީވަށް ގެނަސް ތަހުގީގު ފަށައިފިއެވެ.
މިމައސަލާގައި ބައިވެރިވާ މީހުންގެ ތެރޭން ނަން ހާމަ ކުރުމަށް ކޯޓުން ހުއްދަ ދިނީ މިމާހާގެ އެކަންޏެވެ.
ފޮޓޯގައި މިވާ އީލީ ފީލްޑްޝްޓެއިން އަކީ، 7 އޮކްޓޯބަރުގެ ކުރިން ޔަހޫދީ ފުލުހުންގެ ތާކިހާ ވަޒީރު (ކުރުދީ ދަރިކޮޅުގެ) ބެން ގްވީރުގެ ތަރުޖަމާނަކަށް އުޅުނު މީހެކެވެ. 7 އޮކްޓޫބަރުގެ މިނިވަންކަމުގެ ހަނގުރާމައަށްފަހު ބެން ގްވީރް ވަނީ ނަތަންޔާހޫގެ އަސްކަރީ ކަންކަމުގެ ތަރުޖުމާނަކަށް އޭނާ ބޭނުން ކުރުމަށް ދޫކޮށްލާފައެވެ.
ފީލްޑްޝްޓެއިން ކުރި ކަމަކީ އޭނާގެ ރައްޓެހި އިސް ސިފައިންގެ އޮފިސަރުންގެ އަތުން ސިއްރު އަސްކަރީ މައުލޫމާތު ހޯދައި ނަތަންޔާހޫއަށް ފަހިވާ ގޮތަށް އެ މައުލޫމާތު ބަދަލުކޮށް ނަތަންޔާހޫއަށް ސަޕޯޓުކުރާ ދެ ނޫހަކަށް އެ މައުލޫމާތު ފާއްދާލަނީ އެވެ.
އެއް ނޫހަކީ ޖަރުމަންގައި ނުކުންނަ ބިލްޑް އެވެ. އަނެއް ނޫހަކީ ލަންޑަން ގައި ނުކުންނަ ޖުއިޝް ކްރޮނިކަލް އެވެ.
އޭނާ ފާއްދާލާފައިވާ މައުލޫމާތުގައި ހަމާސް އިން ހަނގުރާމަ ދަންމަން ބޭނުންވާ ކަމާއި އަސީރުން މިނިވަން ކުރަން ވާހަކަ ދައްކަން ހަމާސް ބޭނުން ނުވާކަމަށް ބުނެ ނަތަންޔާހޫއަށް ފަހިވާގޮތަށް ހަނގުރާމަ ދެމިގެންދާ ފަދަ މައުލޫމާތު އުފައްދައި ފަތުރާފައި ވެއެވެ.
