އީރާންގެ ނިއުކްލިއަރ ސައިންޓިސްޓް މުޙުސިން ފަޚްރީޒާދާ އަވަހާރަކޮށްލި ޓެރަރިސްޓް ހަމަލަ ދިން 3 މީހުންނަށް އީރާނުން މިއަދު މަރުގެ ސަޒާ އިއްވައިފިއެވެ.
2020ގައި ފަޚްރީޒާދާ އަވަހާރަކޮށްލާފައި ވަނީ އިޒްރޭލުން އަޑީގައި އޮވެގެންނެވެ. އޭނާއަކީ އީރާނުގެ ނިއުކްލިއަރ ބޮމް އުފެއްދުމުގައި އިސްކޮށް އުޅުއްވި ސައިންޓިސްޓެވެ.
އީރާންގެ ޖުޑިޝަރީގެ ތަރުޖުމާން ވިދާޅުވިގޮތުގައި 3 ޓެރަރިސްޓުންނަށް ދަށުކޯޓުން އިއްވި ޙުކުމް ވަނީ މަތީ މަރުޙަލާއަށް އިސްތިއުނާފް ކޮށްފައެވެ.
އޭގެ އިތުރުން އީރާންގައި ބޮން ގޮއްވައިގެން މަރުގެ ނިޔާ އިއްވާފައިވާ ޖަރުމަން ޕާސްޕޯޓު ގެންގުޅޭ އީރާނު މީހަކު ވަނީ މަރުގެ ސަޒާ ތަންފީޒު ކުރުމުގެ ކުރިން އިއްޔެ މަރުވެފައެވެ. އޭނާއަކީ އީރާނުގެ ޓެރަރިސްޓް ޖަމާއަތް ކަމަށްވާ މުޖާހިދީނޭ ޚަލްޤް ޖަމާއަތަށް ބޮން ގޮއްވައި ދޭން އުޅުނު ޓެރަރިސްޓެކެވެ.
