ނަތަންޔާހޫގެ ގަތުލުއާންމުތަކާ ހެދި އޭނާގެ ދަރީގެ ލޯބިވެރިޔާ ލަދުން ރުޅިވެއްޖެއެވެ. ޒަޔަނިސްޓް މީޑިއާގައި ބުނަނީ، ނަތަންޔާހޫގެ ދަރި އަވްނާރްއާއި އޭނާގެ ލޯބިވެރިޔާ ރާވާފައި އޮތީ މިމަހު 26 ގައި ކައިވެނި ކުރާ ގޮތަށެވެ.
ދެ އަހަރު ވަންދެން އެސޮރު ލޯބީގެ ގޮތުން ގުޅިގެން އުޅުނީ، އަމިތް ޔަރްދާނީ ނަމަކަށް ކިޔާ އަންހެނަކާއެވެ. އަންހެން މީހާ އެންމެ ފުރަތަމަ ބޭނުންވީ ކައިވެނި ލަސް ކުރާށެވެ. ނަމަވެސް ހަނގުރާމައާ ގުޅިގެން އެކަން ތޮޅިއަށް ދިޔައީ ކަމަށް ޒަޔަނިސްޓް މީޑިއާ ބުނެއެވެ.
އަވްނާރަކީ ނަތަންޔާހޫ މިހާރު އިނދެގެން އުޅޭ ސެރާގެ ދަރިއެކެވެ. ކުރިން އިންމީހާއަށް ލިބިފައި ވަނީ އެންމެ ދަރިއެކެވެ. އެދަރިއާއި އޭނާގެ މަންމަވެސް ނަތަންޔާހޫއަކާ ވާހަކައެއް ނުދައްކައެވެ. އެމީހުން ބުނަނީ ނަޔަންޔާހޫއަކީ ސައިކޯ މީހެއް ކަމަށެވެ.
