ރަޝިޔާގެ ރިޔާސަތުން ނެރެފައިވާ ބަޔާނެއްގައި ބުނެފައި ވަނީ ރަޝިޔާގެ ސިޔާސަތަށް ބަދަލެއް އައިސްފައި ނުވާ ކަމަށެވެ.
ރަޝިޔާއިން ނެރުނު ބަޔާނުގައި ބުނެފައި ވަނީ، އެމެރިކާގެ ވެރިކަން ކުރާ ފަރާތްތަކަކީ ރަޝިޔާއާ ހަތުރުވެރި ފަރާތްތަކެއް ކަމަށެވެ. އަދި އެމެރިކާގެ ސިޔާސީ ފަންތިއަކީ މޮސްކޯ ގިއްގަޅުވާލުމަށް މަސައްކަތް ކުރާ ފަރާތްތަކެއް ކަމަށެވެ.
ކްރެމްލިން އިން ނެރުނު ބަޔާނުގައި ބުނެފައި ވަނީ، ރަޝިޔާއިން މަސައްކަތް ކުރާނީ، ވަރުގަދައަށް ރަޝިޔާގެ ގައުމީ މަސްލަހަތު ދިފާއުކޮށް، ރަޝިޔާގެ ހާއްސަ އަސްކަރީ އޮޕަރޭޝަންގެ ހުރިހާ އަމާޒުތަކެއް ހާސިލް ކުރުމަށް ފޯކަސް ކުރާށެވެ. އަދި ރަޝިޔާގެ ވިސްނުމަށް ބަދަލެއް ނާންނަ ކަން އެމެރިކާއަށް އެނގޭނެ ކަމަށްވެސް އެބަޔާނުގައި ބުނެފައި ވެއެވެ.
