ޓްރަމްޕްގެ ކާމިޔާބީއާއެކު ޔޫރަޕްގެ ޖަމާއަތުން ކުއްލި ބައްދަލުވުމަކަށް ގޮވާލައިފިއެވެ. ވިލާތު އިއްތިހާދުން ބުނެފައި ވަނީ މިއީ ނުރަސްމީ ބައދަލުވުމެއް ކަމަށެވެ.
ހަންގެރީގެ ވެރިރަށް ބުޑަޕެސްޓްގައި ބާއްވާ ބައްދަލުވުމުގައި ސައްލާކުރުމަށް ހަމަޖެހިފައި ވަނީ، އެމެރިކާއިން ވިލާތު އިއްތިހާދާއެކު ފަށާފާނެ ވިޔަފާރީގެ ހަނގުރާމައަކާ ބެހޭ ގޮތުންނާއި ޔުކްރެއިންއަށްދޭ އެހީ އެމެރިކާއިން މަދުކޮށްފިނަމަ ހަދާނެ ގޮތަކާ ބެހެ ގޮތުންނާއި ޔޫރަޕްގެ ދިފާޢާ ބެހޭ ގޮތުންނެވެ.
ޔުކްރެއިން އިން ރަޝިޔާއާ ދެކޮޅަށް ކުރަމުންދާ ހަނގުރާމައަކީ އެމރިކާއާއި އިނގިރޭސިން އަޑީގައި ތިބެގެން ފެށި ކުލީ ހަނގުރާމައެކެވެ.
ހަންގެރީގެ ރައީސް ވިކްޓަރ އޯރްބަން ވިދާޅުވަނީ، ޓްރަމްޕް ވެރިކަމަށް ވަޑައިގަތުމުން، ޔޫރަޕުން އެކަނި އެމެރިކާއާ ނުލައި، ޔުކްރެއިންގެ ހަނގުރާމައަށް ހޭދަކުރުމުގެ ޤާބިލުކަމާ މެދު ސުއާލު އުފެދޭ ކަމަށެވެ.
