މިނިސޯޓާގެ ޑިމޮކްރެޓިކް ޕާޓީގެ ކޮންގްރެސް މެންބަރު އިލްހާން އުމަރު ވަނީ ޔަހޫދީން ތާއީދުކުރި ރިޕަބްލިކަން ޕާޓީގެ ކެންޑިޑޭޓް ބަލިކޮށް ކުރި ހޯދާފައެވެ.
އެސޯސިއޭޓެޑް ޕްރެސް އިން ދެންމެ ބުނި ގޮތުގައި ވެރިރަށް މިނިއަޕޮލިސް އާއި ވަށައިގެންވާ ސަރަހައްދުތައް ހިމެނޭ 5 ވަނަ ޑިސްޓްރިކްޓް ތަމްސީލު ކުރާ އިލްހާން އުމަރު ތިން ވަނަ ދައުރު ކާމިޔާބު ކުރީ ރިޕަބްލިކަން ޕާޓީގެ ކެންޑިޑޭޓް ދާލިއާ އަލް އަޤީދީ ބަލިކޮށްފައެވެ.
އިލްހާން އުމަރަކީ ސޯމާލީ ދަރިކޮޅުގެ މީހެކެވެ.
ދާލިއާ އަލްއަޤީދީއަކީ އިރާގަށް އުފަން މެދުއިރުމަތީގައި ނޫސްވެރިކަން ކުރަން އުޅުނު އަންހެނެކެވެ. އިންތިޚާބަށް ކުރިމަތި ލުމުގެ ކުރިން އޭނާ ވަނީ އިޒްރޭލަށް ގޮސް ޒަޔަނިސްޓު ޔަހޫދީންނަށް އޭނާ ގުލާނު ކޮށްދޭނެ ކަމުގެ ޔަގީންކަން ދީފައެވެ.
ރައްޔިތުންގެ ތާއީދާއެކު އިލްހާން އުމަރު ވަނީ އޭނާގެ ކެމްޕޭނަށް 1.6 މިލިއަން ޑޮލަރު ހޯދާފައެވެ. ޔަހުދީންގެ ތާއީދާއެކު ދާލިއާއަށް ހޯދުނީ އެންމެ 535ހާސް ޑޮލަރެވެ.
