ރަޝިޔާ ސިފައިން ޔޫކްރޭންގެ އިރުމަތީގެ އިތުރު ދެ ރަށެއް އެމީހުންގެ ކޮންޓްރޯލްގެ ދަށަށް ގެނަސްފިކަމަށް ރަޝިޔާގެ ޑިފެންސް މިނިސްޓްރީން ބުނެފިއެވެ.
ޔޫކްރޭން ސިފައިން ބުނީ 1،000 ކިލޯމީޓަރު ސަރަހައްދީ ރޮނގުގެ އިރުމަތީ ސެކްޓަރުގައި އޮންނަ ދެ ރަށުގެ ވަށައިގެން ހަމަލަތައް ބަދަލު ކުރަމުންދާ ކަމަށެވެ. ނަމަވެސް އެއިން އެއްވެސް ރަށެއް ރަޝިޔާގެ ކޮންޓްރޯލްގެ ދަށަށް ގޮސްފައިވާ ކަމަށް ގަބޫލު ނުކުރާ ކަމަށެވެ.
ރަޝިޔާގެ މިނިސްޓްރީން ރިޕޯޓްކޮށްފައިވާ ގޮތުގައި އެ ދެ ރަށަކީ މެކްސިމިވްކާ އާއި އެންޓޮނިވްކާ އެވެ.
ޔޫކްރޭންގެ ވެރިރަށް ކިއެވްގެ ކޮންޓްރޯލް ހޯދުމަށް ރަޝިޔާ ސިފައިން ކުރި ފުރަތަމަ މަސައްކަތުގައި ނާކާމިޔާބުވުމުން، ރަޝިޔާގެ ސިފައިން ފޯކަސްކުރީ ޑޮނެޓްސްކް އަދި ލުގަންސްކް ސަރަހައްދު ހިމެނޭ އިރުމަތީ ޑޮންބާސް ސަރަހައްދު ކޮންޓްރޯލް ކުރާށެވެ. އެކަމުގައި ރަޝިޔާ ވަނީ ކާމިޔާބު ވެފައެވެ.
ކަރސްކް ސަރަހައްދުގެ ބައެއް ޔޫކްރޭނުން ކޮންޓްރޯލް ކުރި ނަމަވެސް 2022 ވަނަ އަހަރުގެ މާޗް މަހުގެ ފަހުން އެންމެ ބާރު ސްޕީޑުގައި ރަޝިޔާގެ ސިފައިން ކުރިއަށް ދިޔައީ ސެޕްޓެމްބަރު މަހު އެވެ.
މިހާރު ޔޫކްރޭންގެ ބިމުގެ ފަސްބައިކުޅަ އެއްބައި ކޮންޓްރޯލް ކުރަނީ ރަޝިޔާގެ ސިފައިންނެވެ.
