ހަމާސްގެ މެހުމާންދާރީގައި ތިބި ޔަހޫދީ ހަނގުރާމައިގެ އަސީރުންގެ އާއިލާތަކުން އިޒްރޭލު ސަރުކާރުގެ މައި އޮފީސް އިމާރާތް ހުންނަ ސަރަހައްދަށް ވަދެގަނެ ދާދި ދެންމެއަކު އެސަރަހައްދު ހިސާރު ކޮށްފިއެވެ.

އިޒްރޭލު ސަރުކާރާ ދެކޮޅަށް މީހުން މުޒާހަރާއަށް ނިކުންނަތާ މިހާރު މިއީ 3 ވަނަ ރެއެވެ. އެމީހުން މުޒާހަރާ ކުރަން ފަށާފައި ވަނީ ޒަޔަނިސްޓު ބޮޑު ވަޒީރު ޑިފެންސް މިނިސްޓަރު ޔޯވް ގަލަންޓް މަގާމުން ދުރުކުރުމާ ގުޅިގެންނެވެ. މި މުޒާހަރާގައި އެތައް ހާސް ބަޔަކު ބައިވެރިވެފައި ވެއެވެ.

ޒަޔަނިސްޓް މީޑިއާ ރިޕޯޓްކޮށްފައިވާ ގޮތުގައި މުޒާހަރާގެ ބައިވެރިން ދަނީ ނަތަންޔާހޫ މަގާމުން ވަކިކުރުން ގޮވާލަމުންނެވެ. އަދި އެމީހުން އެދެނީ، ހަމާސްއާއެކު އެއްބަސްވުމަކަށް ގޮސް، ހަނގުރާމައިގެ އަސީރުން މިނިވަން ކުރުމަށް މަސައްކަތް ކުރާށެވެ.

އިޒްރޭލުން ފަލަސްޠީނުގެ އެތައް ހާސް މީހުން ވަގަށް ނަގާފައި ވުމުގެ ސަބަބުން ޙަމާސްއިން ވަނީ 7 އޮކްޓޫބަރުގައި ދިން ޙަމަލާގައި ހަނގުރާމައިގެ އަސީރުންތަކެއް ހިފަހައްޓާފައެވެ. އެއިން ބައެއް މީހުން ދޫކުރުމަށްފަހު އަދިވެސް 100 އެއްހައި މީހުން ޙަމާސްގެ މެހުމާންދާރީގައި އެބަ ތިއްބެވެ.

ޒަޔަނިސްޓުންގެ މުޒާހަރާ ކުރާ މީހުން ދަނީ ނަޔަންޔާހޫގެ ތަހުގީގެއް ހިންގުމަށް ކޮމިޓީއެއް އުފެއްދުމަށްވެސް ގޮވާލަމުންނެވެ.

އިތުރު ލިޔުންތައް