ފްރާންސްގެ ފޮރިން މިނިސްޓަރު ޔާން ނޯއެލް ބާރޯ ބުރާސްފަތި ދުވަހު ގުދުސްއަށް ކުރެއްވި ދަތުރުފުޅުގައި އިޒްރޭލު ފުލުހުން އޭނާގެ ހުރުމަތް ކަނޑާލައިފިއެވެ.
ޒަޔަނިސްޓުންގެ ހަތިޔާރު އެޅި ފުލުހުން ވަނީ ހިފާފައިވާ ޤުދުސްއަށް އޭނާ ޒިޔާރަތް ކުރައްވަމުން ގެންދަވަނިކޮށް، ފްރާންސްގެ ސިޔާދަތުގައި ހިމެނޭ އިމާރާތަކަށް ވަދެ، ޑިޕްލޮމެޓިކް ހިމާޔަތެއް ލިބިފައިވާ ފްރާންސްގެ ދެ ޑިޕްލޮމެޓަކު ބިންމައްޗަށް ވައްޓާލައި އަނިޔާކޮށް ހައްޔަރު ކޮށްފައެވެ.
ފްރާންސްގެ ޚާރިޖީ ވަޒީރު ވަނީ ޒަޔަނިސްޓު ފުލުހުން ފްރާންސްގެ ޑިޕްލޮމެޓުން ހައްޔަރުކުރުމަކީ، ބަލައި ނުގަނެވޭނެފަދަ "ޑިޕްލޮމެޓިކް ހާދިސާއެއް" ކަމަށް ވިދާޅުވެ އެކަން ކުށްވެރި ކުރައްވާފައެވެ.
އެކްސް ގައި ބާރޯ ކުރެއްވި ޕޯސްޓެއްގައި ވިދާޅުވީ ފްރާންސްގެ ސިޔާދަތުގެ ދަށުގައި އޮންނަ ހިފާފައިވާ ޤުދުސްގެ "އެލިއޯނާ ފައްޅި"އަށް ޒަޔަނިސްޓު ފުލުހުން ވަނުމަކީ ފްރާންސުން އިހުތިޖާޖު ކުރާ މައްސަލައެއް ކަމަށެވެ.
ފްރާންސުން ބުނީ އިޒްރޭލު އެމްބެސެޑަރު ގެނަސްގެން މިމައްސަލައަށް އިހުތިޖާޖު ކުޜާނެ ކަމަށެވެ.
