ދެކުނު ކޮރެއާގެ މަހާރެހެނދިއާ މެދު ވެރިކަންކުރާ ޕާޓީންނާއި އާންމުން ކޮށްފައިވާ ޝަކުވާތަކާ ހެދި ދެކުނު ކޮރެއާގެ ރައީސް ޔޫން ސުކް ޔެއޯލް ވަނީ ރައްޔިތުން ގާތުން މައާފަށް އެދިވަޑައިގެންފައެވެ.
ފަސްޓް ލޭޑީ ކިމް ކިއޮން ހީއާ ގުޅިގެން ކޮށްފައިވާ ޝަކުވާ ތަކާހެދި ރައީސް ވަނީ މީޑިއާ ބައްދަލުވުމެއްވެސް ބާއްވަވާފައެވެ.
ދެކުނު ކޮރެއާގެ މަހާރެހެންދިއަށް ތުހުމަތު ކުރެވެނީ ގަނޑުވަރުގައި އޮފީސް ހައްދަވައިގެން، ޕާޓީމީހުން ގެންނަވައި، އިންތިޚާބަށް ކުރިމަތިލާ ކެންޑިޑޭޓުން ނެގުމުގައި ނުފޫޒު ފޯރުވުމަށް މަސައްކަތް ކުރެއްވުމާއި އެކި ފަރާތްތަކުން އަގު ބޮޑު ހަދިޔާތައް ބައްލަވައި ގަތުމާއި ސަރުކާރުގެ ކަންކަމަށް ނުފޫޒ ފޯރުވުމަށް މަސައްކަތް ކުރެއްވުމެވެ.
ދެކުނު ކޮރެއާގެ ރައީސް ވަނީ މަހާރެހެނދީގެ މައްސަލަތައް ބެލުމަށް ރިއާސީ ކޮމިޝަނެއް ނޫނީ ގާނޫނެއް އެކުލަވާލުމަށް ވެރިކަން ކުރާ ޕާޓީން ހުށަހެޅި ހުށަހެޅުން ގަބޫލު ނުކުރައްވާނެ ކަމުގައި ވިދާޅުވެފައެވެ. އޭނާ ވިދާޅުވީ އެފަދަ ކޮންޓްރޯލެއް ބޭއްވުމަށް މަސައްކަތް ކުރުމަކީ، "ގާނޫނުއަސާސީއާ ޚިލާފު" އަދި "އެކަށީގެން ނުވާ" ފިޔަވަޅަކަށް ވާނެ ކަމަށެވެ.
ދެކުނު ކޮރެއާގެ ރައީސް ޔޫން ވަނީ 140 މިނެޓު ވަންދެން ނޫސްވެރިންނާ މަހާރެހެނދީގެ މައްސަލާގައި ބައްދަލު ކުރައްވައި ވާހަކަ ދައްކަވާފައެވެ.
މިބައްދަލު ކުރެއްވުމުގައި ޔޫން ވަނީ އަނބިކަނބަލުންގެ ދިފާޢުގައިވެސް ވާހަކަ ދައްކަވާފައެވެ. އޭނާ ވިދާޅުވީ ބައެއް ތުހުމަތުތަކަކީ ބަޔަކު އެނބުރި ގޭސްގަނޑެއް ކަމަށެވެ.
