އިންސާނީ ހައްގުތަކާ ބެހޭ އދގެ ހައިކޮމިޝަނަރު ފޯ ހިއުމަން ރައިޓްސް، ވޯލްކަރ ޓާކް ވަނީ އިންޓަރނޭޝަނަލް ކޯޓް އޮފް ޖަސްޓިސްއިން މާޗް މަހުގެ ފަހުކޮޅު، ފާސްކުރި ވަގުތީ ފިޔަވަޅުތަކަށް އިޒްރޭލުން ފުރިހަމައަށް އަދި ވަގުތުން އަމަލުކުރަންޖެހޭ ކަމަށް މިއަދު ވިދާޅުވެފައެވެ.
އެމެރިކާއިން ދީފައިވާ ހަތިޔާރުން ފަލަސްޠީނު މީހުންގެ ނަސްލު ނައްތާލައި އިޒްރޭލުން ހަނގުރާމައިގެ ޖަރީމާތައް ހިންގަމުން ގެންދިއުމާ ބެހޭ ގޮތުން، އޭނާގެ އޮފީހުން ވަނީ ރިޕޯޓެއް ނެރެފައެވެ. އެ ރިޕޯޓުގައި ބުނަނީ، 2023 ވަނަ އަހަރުގެ ނޮވެމްބަރު މަހުން ފެށިގެން 2024 ވަނަ އަހަރުގެ އޭޕްރީލް މަހުގެ ނިޔަލަށް ޣައްޒާއަށް ދިން ހަމަލަތަކުގައި، "މަރުވި މީހުންގެ ތެރެއިން ގާތްގަނޑަކަށް %80 ފަލަސްތީނު މީހުން ޝަހީދުކޮށްފައި ވަނީ މީހުން ދިރިއުޅޭ އިމާރާތްތަކުގައެވެ. ޝަހީދުންގެ ތެރެއިން %44 މީހުންނަކީ ކުޑަކުދިންނެވެ. އަދި %26 ޝަހީދުންނަކީ އަންހެނުން" ކަމަށެވެ.
އޭނާ ވަނީ "އުދުވާނީ ޖަރީމާތައް ހުއްޓުވުމަށް ފިޔަވަޅުތައް އަލައި ދިނުމަށް ދައުލަތްތަކުގެ ވާޖިބުތައް" ހަނދާންކޮށް ދެއްވާފައެވެ.
މިހާރު ހިނގަމުންދާ އުދުވާނާ ގުޅިގެން ބައިނަލްއަގްވާމީ ޖިނާއީ ކޯޓުގެ އިޚުތިޞާޞްގެ ތެރެއިން އިޒްރޭލު ޖަވާބުދާރީވުމުގެ ނިޒާމުތަކުގެ މަސައްކަތްތަކަށް ތާއީދުކޮށް، އިޒްރޭލުން ހިންގާ ޖަރީމާތައް ތަހުގީގުކުރުމުގެ އިޚުތިޞާޞް ބޭނުން ކުރުމަށެވެ.
