ނަފްސާނީ ބައްޔެއް ހުރުމުން ތިމަންގެ އަންހެނުންނާއި އިތުރު ކަސްބީ 4 އަންހެނަކު މިދިޔަ 4 އަހަރު ތެރޭގައި ފޮތިފޮތިކޮށްފައިވާ ކަމަށް މިސްރު މީހަކު ޝަރީއަތުގެ މަޖިލީހުގައި އެއްބަސްވެއްޖެއެވެ. އަބްދުއްރައްބުގެ ނަމުން ބުނެފައިވާ މީހާ ޝަރީއަތުގައި ބުނީ އޭނާއަކީ ނަފްސާނީ ބައްޔެއް ހުންނަ މީހެއް ކަމަށެވެ.
44 އަހަރުގެ މީހާ ބުނެފައި ވަނީ އޭނާއަކީ ބޮޑު ކައްކާއެއް ކަމުން ކަތިލައި މަސްކޮށައި ހެދުމަކީ އޭނާގެ ހުނަރެއް ކަމަށެވެ. އެހެންވެ ފަސޭހަކަމާއެކު އެމީހުން ކަތިލުމަށްފަހު ފޮތިފޮތިކޮށް ކޮތަޅުކޮތަޅަށް ލައި، ޒިފްތާ އަވަށުގެ ފެންގަނޑެއްގެ ޗަކަގަނޑުގެ ތެރޭގައި އެމީހުން ވަޅުލަނީ ކަމަށެވެ.
އޭނާ ބުނީ އޭނާއަށް ޖެހިފައިވާ ނަފްސާނީ ބައްޔަކީ އަންހެނުން ދެކެ ރުޅިއައިސް ނަފްރަތު ކުރުމެވެ.
އެކަމުގެ ތަފްސީލު ދެމުން އޭނާ ބުނީ އޭނާގެ އަމަޔާއި ބޮޑުބެ އާ ދެމެދުގެ ނަހަލާލު ގުޅުން އޭނާއަށް އެނގިގެން އެކަމުން އޭނާއަށް އަސަރު ކުރީ ކަމަށެވެ. އަދި އުމުރުން 6 އަހަރުން ފެށިގެން އަމާ އޭނާއަށް އަނިޔާ ކުރާ ކަމަށާއި 8 އަހަރުގައި ފެންނަން ނުވާ މަންޒަރު ބޮޑުބެއާއި އަމާގެ ފުށުން ފެނުނު ކަމަށް ބުންޏެވެ.
ޣަރުބިއްޔާގެ ސައްފާޙުގެ ނަމުން ނަންދީފައިވާ މުޖުރިމު ބުނެފައި ވަނީ އޭނާގެ ޖަރީމާތަކަށް އިއުތިރާފްވާ ކަމަށާއި ވަކީލެއް ބޭނުމެއް ނޫން ކަމަށެވެ.
