އިރާގުގެ ކުރުދިސްތާންގައި ސުންޕާ ކަމަށް މަޝްހޫރު ޕިކަޕެއް ކުއްޔަށް ދޫކުރާ މީހަކު ހައްޔަރުކޮށްފިއެވެ. އިރާގްގެ ކުރުދުސްތާންގެ ވެރިރަށް އެރްބީލްގައި، އުޅަނދު ވިއްކާ މީހާ ހައްޔަރުކޮށްފައި ވަނީ އޭނާ ގެންގުޅޭ ޚާއްސަ ސުންޕާ ޕިކަޕު އިޝްތިހާރު ކުރުމުންނެވެ. ފޮޓޯގައި މިފެންނަނީ އެ ސުންޕާ ޕިކަޕެވެ.
ނީސާން ވެނެޓް މަރުކާގެ ކުޑަ ޕިކަޕަކީ އެމީހާ ބުނެފައިވާ ގޮތުގައި ވަރަށް ޚާއްސަ ސުންޕާ ޕިކަޕެކެވެ. އެ ޕިކަޕް ގަނެގެން ގެންދާ ކޮންމެ މީހެއްގެ އަނބިމީހާ ނިކަން ފަސޭހައިން މަރުވާކަމަށް އޭނާ ބުނެއެވެ. އެހެންވެ އެޕިކަޕް މަގްބޫލުވެ، އެ ގަންނަން ބޭނުންވާ މީހުންވެސް ގިނަވެފައިވާ ކަމަށް އޭނާ ބުނެއެވެ.
ތަފާސްހިސާބުން އެވާހަކަ އޭނާ ސާބިތުކޮށްދެއެވެ. މިއަދާ ހަމައަށް އެޕިކަޕް 22 ފަރާތަކަށް އޭނާ ވަނީ ވިއްކާފައެވެ. އެ 22 މީހުންގެ އަނބިން ވަނީ އެޕިކަޕް ގަތްފަހުން މަރުވެފައެވެ. އެހެންވެ، އޭނާ ބުނަނީ، އަނބިމީހާ މަރުވާން އެދޭ ކޮންމެ މީހަކު އޭނާގެ މި ޕިކަޕް ގަނެގެން ގެންދަންވީއެވެ. އަދި 22 ފަހަރަށް ވިއްކުމަށްފަހުވެސް މި ޕިކަޕް ކޮންމެ ފަހަރަކު އޭގެ ކުރީ ފަހަރަށްވުރެން އަގުމަތި ވެގެން ދެއެވެ.
ފުލުހުން އެމީހާ ހައްޔަރުކޮށްފައި ވަނީ އަންހެނުންގެ ހައްގުގައި އިހާނެތިބަސްތައް އާންމުކޮށް ބުނުމުގެ ކުށުގައެވެ.
އަންހެނުންނަށް އިހާނެތިކޮށް ހިތުމާއި ކުޑައިމިސްވާފަދަ ބަސްތައް ބުނުމަކީ ބަލައިގެންވާނެ ކަންކަމެއް ނޫނެވެ.
