ޕާކިސްތާނުގެ ހުޅަނގު ދެކުނުކުއެޓާގެ ރޭލު ސްޓޭޝަނެއްގައި ގޮވުމުގެ ސަބަބުން 17 މީހުން މަރުވެ 15 މީހަކު ޒަޚަމްވެފައިވާ ކަމަށް ސަލާމަތީ މަސްދަރުތަކުން ބުނެއެވެ. ފުލުހުން ލަފާކޮށްފައިވާ ގޮތުގައި މިއީ ޖާނު ގޮއްވާލުމުގެ ހަމަލައެކެވެ.
ޕާކިސްތާނުގެ ބަލޫޗިސްތާން ޕްރޮވިންސްގެ ބޮޑު ރޭލު ސްޓޭޝަންގައި ގޮއްވުމުން 17 މީހުން މަރުވެފައިވާ ކަމަށް ޕާކިސްތާނުގެ ފުލުހުންނާ ހަވާލާދީ ނިއުސް އެޖެންސީތަކުން ހޮނިހިރު ދުވަހު ބުނެ އެވެ.
އެހިސާބު ފުލުހުންގެ މަސްއޫލުވެރިޔާ މުހައްމަދު ބަލޫޗް ވިދާޅުވީ "މިހާތަނަށް 17 މީހުން މަރުވެފައިވާ ކަމަށާއި، ގޮވުމުގެ ބާވަތް ދެނެގަތުމަށް މަސައްކަތް ކުރަމުން އަންނަ" އަދި މަރުވެފައިވާ މީހުންގެ އަދަދު އިތުރު ވެދާނެ ކަމަށެވެ.
ކުއެޓާގެ ސޭންޑްމަން ހޮސްޕިޓަލުގެ ތަރުޖަމާނު ވަސީމް ބެގް ރިޕޯޓްކޮށްފައިވާ ގޮތުގައި "46 މީހުން ޒަޚަމްވެގެން ގެނަސްފައި ވެ" އެވެ.
ޕޮލިސް އޮޕަރޭޝަންސް ކޮމާންޑަރު މުހައްމަދު ބަލޫޗް ވިދާޅުވީ "އެ ގޮވުން ހިނގާފައި ވަނީ ޕެޝަވާރަށް ދާން ތައްޔާރަށް އޮތް އެކްސްޕްރެސް ރޭލު ފުރަން އުޅެނިކޮށް ރޭލު ސްޓޭޝަންގެ ތެރޭގައި" ކަމަށެވެ.
މި ހަމަލާގެ ޒިންމާ އަދި އެއްވެސް ޖަމާއަތަކުން އުފުލާފައެއް ނުވެއެވެ.
