އެމެރިކާއިން ޔުކްރެއިން މެދުވެރިކޮށް ކުރިއަށް ގެންދާ ކުލީ ހަނގުރާމައިގައި، އެމެރިކާގެ ސިފައިންނާއި ޑިފެންސް ކޮންޓްރެކްޓަރުން ޔުކްރެއިންގެ ހަމަލަތަކުގައި ބައިވެރިވުމަށް އެމެރިކާގެ ރައީސް ޖޯ ބައިޑެންގެ ސަރުކާރުން ހުއްދަ ދީފިއެވެ. މިއީ ރަޝިޔާއާ ދެކޮޅަށް ދޭ ހަމަލަތައް ފެށިފަހުން، އެމެރިކާ ސިފައިން ރަސްމީކޮށް ބައިވެރިވާ ފުރަތަމަ ފަހަރެވެ.
ހޮނިހިރު ދުވަހުގެ ވަގުތެއްގައި އެމެރިކާގެ އޮފިޝަލަކު ވިދާޅުވީ އެމެރިކާއިން ޔުކްރެއިންއަށް ފޯރުކޮށްދޭ ހަތިޔާރުތައް ބެލެހެއްޓުމާއި މަރާމާތުކުރުމުގައި ޔޫކްރޭން ސިފައިންނަށް އެމެރިކާ ސިފައިން އެހީތެރިވެދޭނެ ކަމަށެވެ. އަދި އެވާހަކަ ސީއެންއެން އިން ވަނީ ކަށަވަރު ކޮށްދީފައެވެ.
މިއީ ރިޔާސީ އިންތިޚާބުގެ ކުރިން އެމެރިކާ ސަރުކާރުން ފާސްކުރި އާ ސިޔާސަތުގެ ސަބަބުން އެމެރިކާ ސިފައިން ޔުކްރެއިންގައި ހަރަކާތްތެރިވާ ފުރަތަމަ ފަހަރެވެ.
އެމެރިކާގެ އިންތިހާބީ ރައީސް ޑޮނަލްޑް ޓްރަމްޕް ޖެނުއަރީ މަހު ވެރިކަމާ ހަވާލުވެވަޑައިގަންނަވާއިރު މި ސިޔާސަތު ތަންފީޒު ކުރައްވާނެ ކަމެއް ނުވަތަ ނޫން ކަމެއް ސާފެއް ނުވެ އެވެ.
ޓްރަމްޕް ކުރިން ވިދާޅުވެފައި ވަނީ ޔޫކްރޭނާއި ރަޝިޔާއާ ދެމެދު ހިނގަމުންދާ ހަމަނުޖެހުން އޭނާގެ ވެރިކަމުގެ ފުރަތަމަ "24 ގަޑިއިރުގެ ތެރޭގައި" ނިންމާލެވޭނެ ކަމަށް އުންމީދު ކުރައްވާ ކަމަށެވެ.
ރަޝިޔާ ސިފައިންނާއެކު އުތުރު ކޮރެއާ ސިފައިން ބައިވެރިވެފައިވާތީ އެމެރިކާއިން ކުރިން ފާޑުކިޔާފައި ވެއެވެ.
