ޑޮނަލްޑް ޓްރަމްޕް ވަނީ އޭނާގެ ކުރީގެ ޚާރިޖީ ވަޒީރު މައިކް ޕޮމްޕެއޯ އާއި އޭނާގެ ވެރިކަމުގައި އދ ގައި އެމްބެސެޑަރަކަށް ހުރި އިންޑިއާ ދަރިކޮޅުގެ ނަމްރަތާ ހޭލީ އޭނާގެ ދެވަނަ ދައުރުގައި މަގާމެއް ނުދެއްވާނެ ކަމަށް ވިދާޅުވެފައެވެ.
ޓްރަމް އެކަން އިއުލާން ކުރެއްވީ އޭނާގެ މީސްމީޑިއާ މަންސަ، ޓުރުތުސޯޝަލްގައެވެ.
މި ދެވެރިންނަށް މަގާމު ނުދެއްވުމަށް ޓްރަމްޕް ނިންމެވި ސަބަބު ސާފެއް ނުވެއެވެ. ނަމަވެސް ޔުކްރެއިން ހަނގުރާމައާ ބެހޭ ގޮތުން ޓްރަމްޕް އިއުލާން ކުރެއްވި ވާހަކަތަކާއި ޕޮމްޕިއޯ ވިދާޅުވި ވާހަކަތައް ފުށުއަރައެވެ.
އަދި ނަމްރަތާ (ނިއްކީ) ހޭލީ ވަނީ ޕްރައިމަރީގައި ޓްރަމްޕާ ވާދަކުރައްވާފައެވެ. އަދި ޓްރަމްޕަށް އެކަމުން އުނދަގުލެއް ލިބިވަޑައިގަތެވެ.
ދެބޭފުޅުންވެސް ކޮށްދެއްވި ޚިދުމަތަށް ޓްރަމްޕް ވަނީ ޝުކުރު އަދާކުރައްވާފައެވެ.
