ޓްރަމްޕްގެ މައްޗަށް 2016 ވަނަ އަހަރު، 34 ދައުވާއެއް އުފުލި އިރު އޭނާގެ ދިފާއުގައި ބުރަކޮށް މަސައްކަތް ކޮށްދެއްވީ ޢިރާޤަށް ނިސްބަތްވާ އަންހެން ވަކީލާއެކެވެ. އެލީނާ ޙައްބާއަށް ޓްރަމްޕްގެ ސަރުކާރުގައި ދެއްވާނީ ކޮން މަގާމެއްކަން އަދި ސާފެއް ނުވެއެވެ.
ޓްރަމްޕްގެ ކާމިޔާބިއާއެކު އެލީނާ ހައްބާގެ ނަން ފޮކްސް ނިއުސްއިންވެސް ވަނީ ފާހަގަކޮށްފައެވެ. ފޮކްސް ނިއުސް އިން ބުނަނީ މިސް ޙައްބާ ޓްރަމްޕްގެ ކާމިޔާބީގައި ބޮޑު ދައުރެއް އަދާކުރެއްވި ކަމަށެވެ.
އެލީނާ ޙައްބާގެ 39 ވަނަ އުފަން ދުވަސް، މާޗް 25 ގައި ފާހަގަ ކުރިއިރު، ޓްރަމްޕް ވަނީ އަވަދި ނެތި އުޅުއްވަމުންވެސް އޭނާއާއެކު ބައިވެރިވެ ވަޑައިގެންފައެވެ. ޙައްބާ ވަނީ އެ ފޮޓޯ އިންސްޓަގްރާމްގައި ޝާއިއުކުރައްވާފައެވެ.
ޓްރަމްޕް ވަނީ ޙައްބާގެ މަސައްކަތަށް ޝުކުރު އަދާކުރައްވައި ނޯޓެއްވެސް ފޮނުއްވާފައެވެ. ޙައްބާ ގެ އޮފީހުގައި އެނޯޓު ފްރޭމް ކޮށްފައެވެ.
"އެލީނާ... ދެއްކީ މޮޅު ނަތީޖާއެއް" ޓްރަމްޕްގެ އަތުލިޔުއްވުމުން ނޯޓެއް ފޮނުއްވިއެވެ.
ޤާނޫނީ ވަކީލު އެލީނާ ޙައްބާ އުފަންވެ ވަޑައިގަތީ ޢިރާގުން ހިޖުރަ ކުރެއްވި ދެމަފިރިއަކަށް 1984ގައި ނިއުޖާޒީ ގައެވެ.
ބްލޫމްބާގް އިން ރިޕޯޓު ކުރިގޮތުގައި އޭނާގެ ބައްޕައަކީ، ގޭސްޓްރޯއިންޓެސްޓިނަލް ސާޖަންއެއް ކަމަށްވާ ސަޢުދު ހައްބާ އެވެ. އެއީ މެޑިސިންގެ ދާއިރާގައި އިރާގްގައި ގިނަ ރިސާޗްތައް ހައްދަވާފައިވާ ބޭފުޅެކެވެ.
ޓްރަމްޕްގެ ސާކަލްއަށް އެލީނާ ޙައްބާއަށް ވެންނެވުނީ ޓްރަމްޕްގެ އަމިއްލަ ގޯލްފް ކްލަބުގެ މެމްބަރަކަށް ވުމުން، 2019 ވަނަ އަހަރު އެވެ.
