ގިނީ ރައީސާ ގާތް ފަރާތެއްގެ ބަރަހަނާ ވީޑިއޯތަކެއް މީސްމީޑިއާގައި އާންމު ވުމުން އެކަން ކޮންޓްރޯލު ކުރުމަށް އެފްރިކާގެ ޤައުމެއްކަމަށްވާ އިކުއެޓޯރިއަލް ގިނީން އިންޓަރނެޓްވެސް ކަނޑާލިއެވެ.
ސަރުކާރު އޮފީސްތަކާއި އިސް މަސްއޫލުވެރިންގެ މެދުގައި އާންމުވި، ވީޑިއޯ ކްލިޕްތައް ކޮންޓްރޯލު ކުރެއްވުމަށް ރައީސް ޓިއޯޑޯރޯ އޮބިއަންގް ންގްއެމާ އެމްބާސޯގޯ ވަގުތުން ނިންމީ މަސްއޫލުވެރިޔާ މަގާމުން ވަކި ކުރައްވާށެވެ.
މަސްއޫލުވެރިޔާއަކީ އޭނާގެ ގާތް ބޭފުޅެކެވެ. އެއީ، އެންޓިކޮރަޕްޝަން ކޮމިޝަންގެ ރައީސް ބަލްތަސާ އެބަންގް އެންގުންގާ (ފޮޓޯގައި) އެވެ.
ގިނީ ސަރުކާރުން އިންޓަނެޓްގެ ޚިދުމަތް ކަނޑާލިއަސް އަވަށްޓެރި ޤައުމުތަކުގައިވެސް އެ ވީޑިއޯތައް ހިޓަކަށް ވިއެވެ. އެމެރިކާގެ ރިއާސީ އިންތިޚާބުގެ ޚަބަރަށް ވުރެން އެހިސާބުގައި މި ވީޑިއޯތަކުގެ ވާހަކަ މަޝްހޫރު ވެގެން ދިޔައެވެ.
މަސްއޫލުވެރިޔާ ބެހިވަޑައިގެންފައިވާ އަންހެން ކަނބަލުންނަކީ މަސްއޫލުވެރިންގެ އަނބިންނެވެ. ކޮރަޕްޝަންގެ ވިއުގައެއްގައި ބަނދެވިފައިވާ މުޖުތަމައެއްގައި ދެކޮޅުންވެސް މަސައްކަތް ކުރީ ފައިދާއެއް ލިބިގަތުމަށެވެ.
ބައެއް މީހުނަށް ވަނީ މިކަން ޖޯކަކަށް ވެފައެވެ. ޖިންސީ ބާރުގަދަ ކުރާ ބޭހެއް އުފައްދައި އެއަށް މަސްއޫލުވެރިޔާގެ ނަން ބަލްތަސާ ގެ ނަމުން ނަން ދިނުމަށްވެސް މީހުން ވާހަކަ ދެއްކިއެވެ.
އޭނާގެ ޝަރީއަތް ކުރެވޭނީ މީހުންގެ ހުއްދައާ ނުލައި އެމީހުންގެ ބަރަހަނާ މަންޒަރު އާންމު ކުރި މައްސަލާގައެވެ. އަދި ހެލްތު މިނިސްޓްރީން ބުނެފައި ވަނީ ޖިންސީ ގޮތުން ގައިންގަޔަށް އަރާ ބައްޔެއް ހުރިކަމަށް ޓެސްޓުތަކުން ދައްކައިފިނަ ޕަބްލިކް ހެލްތަށް ނުރައްކާ ކުރިކަމަށްވެސް ރައީސްގެ ފްރެންޑާ ދެކޮޅަށް ދައުޥާ ކުރެވިދާނެ ކަމަށެވެ.
