އިގްތިސާދީ ނުތަނަވަސްކަމާއި ރެގިއުލޭޓަރީ ގޮންޖެހުންތަކާ ގުޅިގެން ޕާކިސްތާނުގައި އޮޕަރޭޓް ކުރާ ބޭރުގެ ބެންކުތައް ކަމަށްވާ ބާކްލޭސް، އެޗްއެސްބީސީ، އަދި ސޮސައިޓީ ޖެނެރަލް ފަދަ ބޭރުގެ ބޭންކުތަކުން ވަނީ ހިޖުރަކޮށް އަދި އެ ބޭންކުތަކުގެ އޮޕަރޭޝަންތައް ކުޑަކުރަން ފަށާފަ އެވެ. ފަހަކަށް އައިސް ދުނިޔޭގެ މާލީ އިދާރާތައް ޕާކިސްތާން މާކެޓުގައި ފާރަވެރި ފިޔަވަޅުތައް އަޅަން ފެށީ ކުއްލިއަކަށް ފައިސާގެ އަގު ދަށްވުމާއި، ބޭރަށް ފައިދާ ފޮނުވުމަށް ހުރަސްއެޅުމާއި، ޓެކްސް ބޮޑު ކުރުމުންނެވެ.
ކަރާޗީގައި ބޭއްވި ބިޒްނަސް ކޮންފަރެންސެއްގައި ބޭރުގެ ބޭންކަރަކު ވަނީ ޕާކިސްތާނުގެ ކްރެޑިޓް ޕްރޮފައިލް ދަށްވުމަކީ ބޮޑު ކަންބޮޑުވުމެއްގެ ގޮތުގައި ފާހަގަކޮށްފަ އެވެ. ބޭންކުތައް ހިޖުރަ ކުރުމަކީ ފުޅާ ޓްރެންޑެއްގެ ބައެކެވެ. އަދި ބޭރުގެ އެއާލައިންތަކާއި މަލްޓިނޭޝަނަލް ކުންފުނިތަކުން ވެސް ޕާކިސްތާން ދޫކޮށް ދާން ފަށާފައި ވެއެވެ. ބައިނަލްއަގްވާމީ ބޭންކުތަކުން ޕާކިސްތާނުން ވަކި ވެދިއުމަކީ، އިންވެސްޓަރުންގެ އިތުބާރު އިތުރަށް ގެއްލި، މިޙާރު ފެންނަ އިގްތިސާދީ ދަތިތަކުގެ ތެރޭގައި ބޭރުގެ އިންވެސްޓްމަންޓްތައް ހޯދުމަށް ޕާކިސްތާނުން ކުރާ މަސައްކަތްތަކަށް ހުރަސްތަކެއް ކުރިމަތިވެދާނެ ކަމެއް ކަމަށް ތަޖުރިބާކާރުން ދެކެއެވެ.
