ޓައިވާން ވަށައިގެން ޗައިނާގެ 11 އަސްކަރީ މަތިންދާބޯޓާއި 5 މަނަވަރެއް ދުއްވާފައިވާ ކަމަށް ޓައިވާނުން ބުނެއެވެ. ޗައިނާގެ ޕީޕަލްސް ލިބަރޭޝަން އާމީގެ 11 މަތިންދާބޯޓުގެ ތެރެއިން ހަތް މަތިންދާބޯޓު ވަނީ ޓައިވާންގެ އުތުރާއި މެދުތެރެއާއި ހުޅަނގު ދެކުނު އެއާ ޑިފެންސް އައިޑެންޓިފިކޭޝަން ޒޯން (އޭޑީއައިޒް) ގައި ޓައިވާން ވައިގެ ސަރަހައްދުކަމަށް ޓައިޕޭއިން ބަލާ ސަރަހައްދު ހުރަސްކޮށްފަ އެވެ.
އެކަމުގެ ރައްދުގައި ޓައިވާނުން ވަނީ މަތިންދާބޯޓުތަކާއި މަނަވަރުތައް ފޮނުވައި، ޗައިނާ ސިފައިންގެ ހަރަކާތްތައް މޮނިޓަރ ކުރުމަށް އައްސޭރިފަށުގައި މިސައިލް ސިސްޓަމްތައް ތައްޔާރަށް ގެނަސްފައެވެ.
މި މަހުގެ މިހާތަނަށް ޗައިނާގެ އަސްކަރީ 132 މަތިންދާބޯޓާއި 44 މަނަވަރު ތައިވާން ކައިރިން ފނިފައިވާ ކަމަށް ޓައިޕެއި އިން ބުނެއެވެ.
ޓައިވާނަކި ޗައިނާގެ ބާޣީ ސަރަހައްދެކެވެ. އެމެރިކާއާއި ހުޅަނގުން ދަނީ ޓައިވާނަށް ވާގިވަމުން، ޗައިނާއާ ދެކޮޅަށް ހިތްވަރު ދެމުންނެވެ.
ސެޕްޓެމްބަރު 2020 އިން ފެށިގެން ޗައިނާއިން ވަނީ ޓައިވާންގެ ވަށައިގެން ދަތުރުކުރާ އަސްކަރީ މަތިންދާބޯޓުތަކާއި ކަނޑުގެ އުޅަނދުފަހަރުގެ އަދަދު އިތުރުކޮށްފައެވެ.
މުހައްލިލުން ލަފާ ކުރާ ގޮތުގައި ކުރިއަށް އޮތް ދިހަ އަހަރަށް ވުރެން ކުރު މުއްދަތެއްގެ ތެރޭގައި ޓައިވާން ޗައިނާގެ ބައެއްގެ ގޮތުގައި ބެއިޖިންގއިން ހަދާނެއެވެ.
