ގަތަރުގެ ފޮރިން މިނިސްޓްރީގެ ރަސްމީ ތަރުޖަމާނު މަޖީދު އަލް އަންސާރީ ވަނީ ޙަމާސްއާއި ޒަޔަނިސްޓުންނާ ދެމެދު މެދުވެރިއެއްގެ ދައުރު އަދާކުރުމަށް ޤަތަރުން އުޒުރުވެރި ވެފައިވާ ކަމަށް ބުނެ ރޮއިޓާޒްއާއި ޔަހޫދީ މީޑިއާއިން ގެނައި ރިޕޯޓު ދޮގުކޮށްފައެވެ. އޭނާ ވަނީ ޤަތަރަށް ނިސްބަތް ކޮށް ދައުރުކޮށްފައިވާ ރިޕޯޓްތަކަކީ "ޞައްޙަ ނޫން" ރިޕޯޓްތަކެއް ކަމަށް ތަކުރާރުކޮށް ވިދާޅުވެފަ އެވެ.
އޭނާ އިތުރަށް ވިދާޅުވީ މި ބުރުގައި ހަމަޖެހުން ގެނައުމަށް ދެފަރާތުން އެއްބސް ނުވެވިއްޖެނަމަ މިވަގުތަށް މެދުވެރިއެއްގެ މަސައްކަތް ހުއްޓާލާނެ ކަމަށް ދެ ފަރާތަށް ޤަތަރުން އެންގީ މީގެ 10 ދުވަސް ކުރިންނެވެ. ނަމަވެސް އެ ނޭވާގައި ޤަތަރުން ވަނީ ސީރިއަސް ކަމެއް ދައްކައިފި ހާލަތެއްގައި އަނެއްކާވެސް ޤަތަރުން މެދުވެރިއެއްގެ ބައި އަދާކުރާނެ ކަމަށް ވެސް އަންގާފައެވެ.
"މެދުވެރިއެއްގެ ބައި ޤަތަރުން އަދާކުރުމުން ޤަތަރު ބްލެކްމެއިލް ކުރަންޖެހޭ ކަމަކަށް ޤަތަރުން ޤަބޫލެއް ނުކުރާކަމަށް" ޤަތަރުގެ ނޫސް އެޖެންސީން އަންސާރީއާ ޙަވާލާދީ ބުނެފައި ވެއެވެ.
ޒަޔަނިސްޓުންނަށް ޤަތުލުއާންމު ހިންގުމަށް ހަތިޔާރުދޭ އެމެރިކާއިން ވަނީ ޤަތަރު ބްލެކްމެއިކޮށް، ޙަމާސް ޤަތަރުން ބޭރުކުރުމަށް ތަކުރާރުކޮށް މަސައްކަތް ކޮށްފައެވެ. ޤަތަރަކީ، އަރަބިންގެ ތެރޭގައި އިޚުލާސްތެރިކަމާއެކު ފަލަސްޠީނުގެ މައްސަލާގައި މަސައްކަތް ކޮށްދޭ ޤައުމެކެވެ.
