އިނގިރޭސި ޗާލްސް ރަސްގެފާނުގެ 75 ވަނަ އުފަންދުވަސް ފާހަގަ ކުރެއްވީ އިންޑިއާއާއި ސްރީލަންކާއާއި ނޭޕާލާ ފިލިޕީންސްގެ ނަރުހުންނާއެކުގައެވެ. ރަސްގެފާނުގެ ބޮޑު ދުވަސް ފާހަގަ ކުރުމަށް އިނގިރޭސިވިލާތުގެ ސިއްޙީ ދާއިރާގައި މަސައްކަތް ކުރާ 400 ނަރުހުންނަށް ދައުވަތު ދިނެވެ.
މުނާސަބާގައި ބައިވެރިވި މީހުން އުފާ ފާޅު ކުރިއެވެ. އެކަމަކު މީގެ 75 އަހަރު ކުރިން އެމީހުންގެ ކާބަފައިންނަކީ، ޗާލްސް ރަސްގެފާނުގެ ޚާންދާނުން ހިންގި އަނިޔާވެރި އިސްތިއުމާރީ ވެރިކަމުގައި ހަނާވި މީހުންނެވެ.
އިންޑިއާގެ ޖަލިޔާންވާލާ ބާޣްގައި ހިންގި ގަތުލުއާންމަށް އިނގިރޭސިން މައާފަށް އެދުމަށް ގޮވާލުމުން އެކަމަށްވެސް ދީފައި ވަނީ ބީރު ކަންފަތެކެވެ. ސަމުއާގައި ބާއްވާފައި އޮތް ކޮމަންވެލްތުގެ ސަމިޓުގައވެސް މެމްބަރުން ވަނީ އިނގިރޭސިންގެ އަނިޔާތަކަށް ބަދަލަށް އެދި ގޮވާލާފައެވެ.
