ޙިޒުބުﷲ އިން ހިފެހެއްޓުމެއް ނެތި، ދީލަތިކަމާއެކު ރޮކެޓް ފޮނުވަމުން ގެންދަނީއެވެ. އާދިއްތަ ދުވަހަކީވެސް އެހެން ދުވަހެކޭވެސް އެއްފަދައިން ރެކޯޑެކެވެ.
ދުވަހުގެ ޖުމުލަ، 350އަށް ވުރެން އިތުރު ވެފައިވާ ކަމަށް ދައްކައެވެ. އޭގެ ތެރޭގައި 3 ބެލެސްޓިކް މިސައިލާއި ދުރު ރަސްތާއަށް ދަތުރުކުރާ 17 ރޮކެޓާއި ޑްރޯންތައްވެސް ހިމެނެއެވެ.
ޔަހޫދުންގެ މީޑިއާއިން ސުއާލު ކުރަނީ ހަނގުރާމަ ހުއްޓާލުމުގެ ކުރިން ޙިޒްބުﷲ އިން ރޮކެޓް ގުދަން ސާފުކޮށްލަނީ ހައްޔެވެ؟
ފޮޓޯއިން މިފެންނަނީ ހިފާފައިވާ ތެލްއަވީވްގެ ބޭރުގައި އޮންނަ ޕެޓާ ޓިކްވާ ސަރަހައްދުގައި ޙިޒުބުގެ ރޮކެޓަކުން ދީފައިވާ ގެއްލުމެކެވެ. މިފަދަ މަންޒަރުތައް އާދަވެގެން ޔަހޫދުންގެ މީޑިއާއިން ދެއްކުން ވަނީ މަނާކޮށްފައެވެ.
އޭގެ އިތުރުން، ހިފާފައިވާ ތެލްއަވީވްގެ ޖާސޫސީ މަރުކަޒުތަކާއި ހައިފާގެ ކަނޑުގެ ސިފައިންގެ މަރުކަޒުތަކާއި އެހެނިހެން އަމާޒުފަތްގަނޑުތަކަށްވެސް ޙިޒުބުން އަމާޒުކޮށްފައި ވެއެވެ.
އިސްރާއީލުގެ އާބާދީގެ ގާތްގަނޑަކަށް 5 މިލިއަން މީހުންނަށް ތާއަބަދު ސައިރެންގެ އަޑު އިވޭކަމަށް ޔަހޫދު މީޑއާއިން ބުނެއެވެ. އަދި ޙިޒުބުން އާދަވެގެން އެއްފަހަރާ 4 މިލިއަން ޔަހޫދުން ބިންގަރާހަށް ވައްދާލަ ދޭ ކަމަށްވެސް ބުނެއެވެ.
