ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުހައްމަދު، ރަސްމީ ދަތުރުފުޅެއްގައި މ. ދިއްގަރަށް ވަޑައިގެންފިއެވެ.
މި ދަތުރުފުޅުގައި، ދުނިޔޭގެ ހަކުރުބަލީގެ ދުވަސް ފާހަގަކުރުމަށް އެ ރަށުގައި ކުރިއަށްގެންދާ ޖަލްސާ އެކަމަނާ ޝަރަފުވެރިކޮށްދެއްވާނެއެވެ. އަދި މި ދަތުރުފުޅުގައި ދިއްގަރުގައި ޤާއިމުކުރާ ނޮން-ކޮމިއުނިކަބަލް ޑިޒީޒް ކްލިނިކް ނުވަތަ ގައިންގަޔަށް ނާރާ ބަލިތަކާ ގުޅޭ ކްލިނިކް އެކަމަނާ އިފްތިތާހުކޮށްދެއްވާނެއެވެ.
ދުނިޔޭގެ ހަކުރުބަލީގެ ދުވަސް ކޮންމެ އަހަރަކުވެސް ފާހަގަކުރަނީ ނޮވެމްބަރު މަހުގެ 14 ވަނަ ދުވަހުއެވެ.
