މަހާސާދާގަރު އިލޮން މަސްކު، އދގައި ހުންނަވާ އީރާނުގެ އެމްބެސެޑަރާ އެކު ސިއްރު ބައްދަލު ވުމެއް ބާއްވަވައިފިއެވެ. އިރާނުގެ ސަފީރު އާމިރް ސައީދު އިރަވާނީއާއެކު މަސްކު ބައްދަލުކުރައްވާފައި ވަނީ ނިއުޔޯކްގައި ސިއްރިއްޔާތުގައި ކަމަށް ނިއުޔޯކް ޓައިމްސްއިން ރިޕޯޓު ކުރެއެވެ.
ޓައިމްސްއިން ބައްދަލުވުން ބޭއްވި ތަނުގެ ނަން ހާމަކޮށްފައެއް ނުވެއެވެ. މިއން ދޭހަވަނީ ވޮޝިންޓަނާ ތެހެރަނާ ދެމދު އުފެދިފައިވާ ހަމަނުޖެހުން ހައްލު ކުރުމަށް ޓްރަމްޕް ޑިޕްލޮމެސީ ބޭނުން ކުރަން ބޭނުންފުޅުވާކަން ކަމަށް ނިއުޔޯކް ޓައިމްސްއިން ބުނެއެވެ.
އޭގެ އިތުރުން ދޭހަވެގެން ދަނީ ރައީސް މުންތަޚަބްގެ ވެރިކަމުގައި މަހާސާދާގަރުގެ ނުފޫޒު ކަންކަމަށްވެސް އެ ނޫހުގައި ފާހަގަ ކޮށްފައި ވެއެވެ.
އިޒްރޭލާ ދެކޮޅަށް އީރާނުން ދީފައިވާ ވަޢުދުއްޞާދިޤުގެ ޙަމަލަތަކުން އީރާނު ވަނީ މުހިންމު ވެގެން ގޮސްފައެވެ. އަދި މެދުރިއުމަތީގެ ސިޔާސަތު ތަރުތީބު ކުރުމުގައި އީރާނާ ނުލައި ކުޅިބައި އަތުރާލަން ބޭނުން ނުވާކަން މިފަހުގެ ބައެއް ހަރަކާތްތަކުން ވަނީ ހާމަވެގެން ގޮސްފައެވެ.
އީރާނުގެ ވެރިކަމުގައި ތިއްބެވީ މިހާތަނަށް ތެހެރާންގައި ވެރިކަމަށް ވަޑައިގަތް އެންމެ މެދުމިނުގެ ސިޔާސީ ފަރާތްތަކެވެ. ފަޅާ ޑޮކްޓަރު، ރައީސް މަސްއޫދު ޕަޒަޚްޝިއާންގެ އިސް މުޝީރަކީ ކުރީގެ ޚާރިޖީ ވަޒީރު ޖަވާދު ޒަރީފެވެ. އަދި އޭނާއާއެކު ނިއުކްލިއަރ މައްސަލާގައި އިސްކޮށް ވާހަކަ ދައްކަން އުޅުއްވި އަދި ކުރިން ޚާރިޖީ ވުޒާރާގެ ތަރުޖުމާނަކަށް އެއަށްފަހު ޑެޕިއުޓީ މިނިސްޓަރު، އެއީ މިހާރުގެ ޚާރިޖީ ވަޒީރު އަރާގްޗީއެވެ.
