20 އަހަރު ފަހުން އިރާޤްގެ އަބޫ ޣުރައިބު ޖަލުގައި އެމެރިކާއިން ހިންގި އަނިޔާތަކަށް ބަދަލު ދިނުމަށް އެމެރިކާގެ ކޯޓަކުން ޙުކުމް ކޮށްފިއެވެ.
އަބޫޣުރައިބު ޖަލުގައި އެމެރިކާ އަންހެން ސިފައިން ވަނީ ވަގަށް ނަގައިގެން ބަންދު ކުރި، އިރާގްގެ ބަޢަޘް ޕާޓީގެ މެމްބަރުންނާއި ކުރީގެ ސިފައިނަށް އަމިޔާކޮށް އިހާނެތިކޮށް ހިތާފައެވެ. އެމެރިކާ އަންހެން ސިފައިންނާއި ފިރިހެން ސިފައިން ވަނީ އަސީރުން އޮރިޔާމުން ބައިތިއްބާފައެވެ. އަދި އަނިޔާކުރާ މަންޒަރާއި ކުއްތާތައް މެދުވެރިކޮށް އެމީހުން ބިރުގަންނަވާ މަންޒަރާއި އަންހެން ސިފައިން އެމީހުންގެ ގަޔަށް ފަހަރުވަލާ މަންޒަރުވެސް ވީޑިއޯކޮށް ފައި ވެއެވެ.
އެމެރިކާގެ އަނިޔާތަކާ ދެކޮޅަށް ވަރޖީނިޔާ ކޯޓުގައި ދައުޥާ ކުރީ ހިލޭ ސާބަހަށް މަސައްކަތް ކުރާ ސެންޓަރ ފޯރ ކޮންސްޓިޓިއުޝަނަލް ރައިޓްސްއިންނެވެ.
ތަހުކީމު ކޮމިޓީއަކުން ފައިސަލާ ކުރުމުގައި ބައިވެރިވި ޝަރީޢަތުގައި، ކޮމިޓީން ވަނީ، އެމެރިކާގެ އަނިޔާތަކުގެ ޝިކާރައަކަށްވި އެންމެނަށް 42 މިލިއަން ޑޮލަރު ދޭން ނިންމާފައެވެ. އޭގެ ތެރޭން ދައުވާ އުފުލި ސުހައިލް އައްޝިމާރީ، ސަލާހު އަލްއުޖައިލީ، އަދި އަސްއަދު ޒުބާއީއަށް ކޮށްފައިވާ އަނިޔާތަކަށް، ބަދަލު ދިނުމަށް ކޮންމެ މީހަކަށް ތިން މިލިއަން ޑޮލަރު ދޭން ވެސް ހުކުމް ކޮށްފައި ވެއެވެ.
އިތުރަށް ކިޔާލުމަށް
އަބޫޣުރައިބުގައި އަނިޔާކޮށް ބެލީޒަށް ބޭރުކޮށްލައިފި
އެމެރިކާއިން ވަނީ އަފްޣާނިސްތާނުގައިވެސް ބަގްރާމް ބޭސްއާއި ކާބުލްގައި ބިންގަރާސް ޖަލުގައި މުސްލިމުން ވަގަށް ނަގައިގެން ބަންދުކޮށް އަނިޔާކޮށްފައެވެ. އޭގެ އިތުރުން އިންސާނީ ތާރީޚުގައި އެންމެ އަނިޔާވެރި ޖަލެއްކަމަށް ފާހަގަ ކުރެވޭ ގުއަންޓަނާމޯ ޖަލުގައި ކޮށްފައިވާ އަނިޔާތައް ވަނީ ޑޮކިއުމެންޓްކޮށްފައެވެ.
އިންސާނީ ހައްގުތަކާ ބެހޭ ޖަމިއްޔާތަކުން ސިފަކޮށްފައިވާ ގޮތުގައި މި ހުކުމަކީ "އިރާގްގައި އެންމެ ނުލަފާ އަނިޔާތައް ހިންގި ޖަލުގައި" ކުރި އަނިޔާތަކަށް ދިހަވަރަކަށް އަހަރު ދުވަސް ފަހުން ލިބުނު ގާނޫނީ ހަނގުރާމައިގެ ފަރުވާއެކެވެ.
ޓެރަރިޒަމް ނިވާފަތްގަނޑަކަށް ހަދައިގެން މުސްލިމުންނާ ދެކޮޅަށް އެމެރިކާއިން ފެށި ހަނގުރާމައިގައި އަނިޔާ ކުރުމަކީ އެމެރިކާ ސިފައިންނާއި ތަހުގީގީ ފަރާތްތަކުން މުއައްސަސާގެ ފެންވަރުގައި ސިޔާސަތެއްގެ ގޮތުގައި ގެންގުޅޭ ވަސީލަތެކެވެ. ނަމަވެސް ބޭޒާރުވެއްޖެނަމަ އެކަމަށް ޒިންމާވަނީ އެކަމެއްގައި ބައިވެރިވާ ވަކިވަކި ފަރުދުންނެވެ. އަދި އެފަދަ މީހެއްގެ ޝަރީއަތް ކުރާ އިރު ސާބިތުވަނީވެސް ކުރާ ތުހުމަތުތަކުގެ 1 ޕަސެންޓެވެ. އިއްވާނީވެސް ލުއި ހުކުމެކެވެ.
