އެމެރިކާގެ ސެނެޓްގެ ޖުޑިޝަރީ ކޮމިޓީގެ އިސް ޑިމޮކްރެޓުން ވަނީ އެމެރިކާގެ އިންތިހާބީ ރައީސް ޑޮނަލްޑް ޓްރަމްޕް އެޓާނީ ޖެނެރަލް ކަމަށް ހުށަހަޅުއްވާ މެޓް ގޭޓްސްގެ އަޚުލާޤީ މައްސަލަތައް ތަޙުޤީޤުކޮށް، މިހާރު ދަށު ގެ، ހައުސްގެ އެތިކްސް ކޮމިޓީގައި ހުރި މަޢުލޫމާތު އާންމު ރައްޔިތުންނާ ޙިއްސާ ކުރުމަށް ގޮވާލާފައެވެ.
ގޭޓްސް ވަނީ އަންގާރަ ދުވަހު ކޮންގްރެސްއިން އިސްތިއުފާ ދެއްވާފައެވެ.
އޭނާއަށް ތުހުމަތުކޮށް ބެލި މައސަލަތައް ސާބިތުވެފައެއް ނުވެއެވެ. ލިސްޓުގައި ހިމެނޭ މައްސަލަތަކަކީ، ޖިންސީ ގޯނާ ކުރުމާއި އުމުރު ހަމަނުވާ އަންހެން ކުދިންނާ ގާތްވުމާއި، މަސްތުވާތަކެތި ބޭނުންކުރުމާއި މަގާމާ އެކަށީގެން ނުވާ ހަދިޔާތައް ހޯއްދެވުމާއި މަސްލަހަތު އޮންނަ ފަރާތްތަކަށް ޚާއްސަ އިމްތިޔާޒުތަކާއި އިނާޔަތްތައް ބަހާލުމެވެ.
ގޭޓްސް ވަނީ "ކުޑަކުއްޖަކާ އެކު ޖިންސީ ގުޅުން ހިންގުން، ނުވަތަ ކަސްބީ މަސައްކަތަކަށް ފައިސާ ދެއްކުން" ފަދަ ކަމެއް ކޮށްފައި ނުވާނެ ކަމަށާއި އެފަދަ ތުހުމަތުތައް ދޮގު ކުރައްވާފަ އެވެ.
މީގެ ކުރިން ޓްރަމްޕާއި މިހާރުގެ ރައީސް ޖޯ ބައިޑަންގެ ދައުރުގައިވެސް އޭނާގެ މައްސަލަތައް ހިލުވާލާފައި ވެއެވެ. ނަމަވެސް އެއްވެސް މައްސަލައެއްގައި ދައުވާ ކުރަން ފޮނުވާފައެއް ނުވެއެވެ. ކޮންގްރެސްގެ ގަވައިދު އޮންނަ ގޮތުން އިސްތިއުފާ ދިނުމުން މީހާ ހުދު ފޮތިކޮޅަކަށް ވެއެވެ.
