އީރާންގެ ދޮޅު ބިލިއަން ޑޮލަރު ފޭރިގަތުމަށް އެމެރިކާއިން ކުރި މަސައްކަތަށް ކޯޓުން ނޫނެކޭ ބުނެފިއެވެ.
ނިއުޔޯކުގެ މެންހަޓަންގެ ކޯޓަކުން ޙުކުމް ކޮށްފައި ވަނީ އީރާންގެ ސެންޓްރަލް ބެންކު، ބެންކު މަރުކަޒީގެ ކޮރޮސްޕޮންޑެންޓް ބެންކު، ޑަޗް ބޯރްސްގެ ސަބްސިޑިއަރީއެއް ކަށްވާ ކްލިއަރސްޓީމް ބެންކިންގައި ބަހައްޓާފައިވާ އީރާންގެ ފައިސާ، އެމެރިކާގެ އާއިލާތަކަށް ދިނުމަށް ފޭރިގަތުމަކީ ހުއްދަ ކަމެއް ކަމަށެވެ. ނަމަވެސް އެމެރިކާގެ އިސްތިއުނާފީ ކޯޓު، ސެކެންޑް ސާކިޓް ކޯޓުން ހުކުމް ކޮށްފައި ވަނީ ބެންކު މަރުކަޒީއަށް ލިބިގެންވާ އިނާޔަތްތަކަށް ބަލަންވާ ވަރަށް ދަށު ކޯޓުން ބަލާފައި ނުވާކަމަށް ބުނެ އަލުން މައްސަލަ ބެލުމަށް ވަނީ އަންގާފައެވެ.
އީރާނު ބެންކުން ވަނީ އެމެރިކާގައި ބޭރުގެ ފަރާތްތަކަށް އެމެރިކާގެ ގާނޫނުން ލިބިގެންވާ އިމާޔަތްތަކާއި ހިމާޔަތްތައް ކޯޓުގެ ސަމާލުކަމަށް ގެނަސްފައެވެ.
އެމެރިކާއިން ދޭ ޓެރަރިސްޓް ހަމަލަތަކުގައި މީހުންގެ ފުރާނައާއި މުދަލަށް ލިބޭ ގެއްލުންތަކަށް ބަދަލު ދިނުމެއް ނޯވެއެވެ. ނަމަވެސް އެމެރިކާ މީހުންނަށް ލިބޭ ގެއްލުމަށް ބަދަލު ދިނުމަށް އެމެރިކާގައި ހުންނަ ޤައުމުތަކުގެ އެސެޓްތައް ފޭރިގަނެއެވެ.
އީރާނުން ވަނީ އެމެރިކާއިން އީރާންގެ އެސެޓްތައް ފޭރިގަތުމަށް ކުރާ މަސައްކަތާ ދެކޮޅަށް އިންޓަރނޭޝަނަލް ކޯޓް އޮފް ޖަސްޓިސްއަށް ދައުވާއެއްވެސް ވައްދާފައެވެ.
މި ދައުވާއަކީ، 1983ގައި ލުބުނާންގައި އަހުލީ ހަނގުރާމައިގެ ދުވަސްވަރު، އެމެރިކާގެ ސިފައިންނަށް ދިން ހަމަލައަކީ އީރާނުން އަޑީގައި އޮވެގެން ދިން ހަމަލައެއް ކަމަށް ބުނެ އީރާނުން އެމެރިކާ ސިފައިންނަށް ބަދަލުދޭން ޖެހޭނެ ކަމަށް ބުނެ އުފުލާފައިވާ ދައުވާއެކެވެ.
ބަދަލު ދިނުމަށް، ފޭރިގަންނަން އުޅޭ ފައިސާ އަކީ ޔޫރަޕްގައި ބަހައްޓާފައިވާ އީރާނުގެ މަރުކަޒީ ބެންކުގެ އެސެޓްތަކުން 1.68 ބިލިއަން ޑޮލަރެވެ.
އެމެރިކާގެ ބުޝްގެ ސަރުކާރުން ފެށިގެން ބައިޑެންގެ ސަރުކާރާ ހަމައަށް އިސްލާމީ ގައުމުތައް ކަމަށްވާ ފަލަސްޠީނާއި އަފްޣާނިސްތާނާއި އިރާގާއި ލީބިޔާއާއި ޔަމަނާއި ސީރިޔާއާއި ޕާކިސްތާނާއި ސޯމާލިޔާއަށް އެމެރިކާއިން ވަނީ ބޮން އަޅައި އެތައް މިލިއަން މުސްލިމުންނެއް ޝަހީދުކޮށްލާފައެވެ. ތަފާސްހިސާބުތައް ބުނާ ގޮތުން އެމެރިކާގެ އުދުވާނުތަކުގައި 4.8 މިލިއަން މުސްލިމުން ޝަހީދުކޮށްފައި ވާނެއެވެ.
