އަލިފާނުގެ ހާދިސާތަކުން ރައްކާތެރިކުރުވުމަށް ތުޅާދޫ ސްކޫލް ސްކައުޓް ކޭންޕު ދަރިވަރުންނަށް މައުލޫމާތުދިނުމުގެ ސެޝަނެއް ކުރިއަށް ގެންގޮސްފިއެވެ.
ފުލުހުން ބުނީ މި ސެޝަނުގައި، އަލިފާނުގެ ހާދިސާތައް ހިނގުމަށް މަގުފަހިވާ ކަންކަމާއި އެފަދަ ކަންކަމުން ރައްކާތެރިވުމަށް ދަރިވަރުންނަށް ކުރެވިދާނެ ކަންކަން ބުނެދީފައިވާނެ ކަމަށާއި އަދި އަލިފާނުގެ ހާދިސާއެއް ހިނގައިފިނަމަ އެންމެ ފުރަތަމަ އަމަލުކުރާނެ ގޮތްތަކާއި އަލިފާން ނިންވުމުގައި ސަމާލުކަންދޭންޖެހޭ ކަންކަން ބުނެދީފައިވާ ކަމާށެވެ.
އަދި އަލިފާނުގެ ހާދިސާއެއް ނުހިނގާނެ ގޮތަށް ތިމާއާއި އަނެކުންގެ ރައްކާތެރިކަން އިސްކުރުމަށާއި ކޭންޕު ތަކުގައި އުޅޭއިރު އަލިފާން ރޯކުރުމުގައި ސަމާލުކަންދޭންޖެހޭ ކަންކަމާއި، އަލިފާން ނިއްވާލަން މަސައްކަތްކުރާއިރު ސަމާލުކަންދޭންޖެހޭ ކަންކަމުގެ މައުލޫމާތު ވެސް ހިއްސާކޮށްފައިވާ ކަމަށްވެސް ފުލުހުން ބުންޏެވެ.
ތުޅާދޫ ޕޮލިހާއި ސްކޫލު ގުޅިގެން މި ނޮވެމްބަރު މަހުގެ 16 ވަނަ ދުވަހު ކުރިއަށް ގެންދިޔަ މި ސެޝަނުގައި 72 ދަރިވަރުން ބައިވެރިވިއެވެ.
