އުމުރުން 43 އަހަރުގެ ބިޖުރޭޝް ސުތާރު ގެއްލިގެން ހޯދައި ހޯދައި ނުފެނުމުން އައިލާއަށް އޭނާ ގެއްލުނުކަން ޔަގީންވެ، ފުލުހަށް އެންގިއެވެ. ހަނދާން ނެތުމާއި މާލީ މައްސަލަތަކެއް ދިމާވެގެން ނަފްސާނީ މައްސަލަތަކެއް ދިމާވެފައިވާ ސުތާރު ހޯދަން ފުލުހުން މަސައްކަތް ކުރިއެވެ. އެއްވެސް ކޮޅެއްގައި ނުޖެހުނެވެ.
އެހެން އުޅުމުގެ ތެރޭގައި ބުރިޖެއްގެ ދަށުން، މަރުވެފައި އޮތް ގަބުރެއް ފުލުހުންނަށް ފެނުނެވެ. ސިފަ ގެއްލި، ކުނިވާން ކައިވެރިވެފައިވާ އެ ގަބުރަކީ ސުތާރުގެ ގަބުރު ކަމަށް ހީކޮށް ފުލުހުން އާއިލާއަށް އެންގިއެވެ. އަދި އާއިލާއިން އެއީ އޭނާ ކަން ކަށަވަރުކޮށް ދިނުމުން ފުލުހުން މައްސަލަ ނިންމައި ގަބުރު އާއިލާއާ ޙަވާލު ކުރިއެވެ.
އާއިލާއަށް މަރުހޫމު އަނބުރައި ލިބުނުކަމުގެ އުފަލުގައި ފަހުގެ އިހުތިރާމު އަދާކޮށް، މަލުގެ ހާރާއި ގުލްދަސްތާއާއެކު އޭނާގެ ގަބުރުގައި ހުޅުޖަހައި އަންދާލިއެވެ.
އެއަށްފަހު އާއިލާއިން އެއްވެ ތިބީ، މަރުހޫމަށް ތައުބީނުގެ ޖަލްސާއެއް ބާއްވައި ފާތިހާ ކިޔަވާށެވެ.
ރޮމުން ދިޔަ މީހުންގެ ގިސްލުމާއި، މަރުހޫމުގެ ހެޔޮކަމާއި، ޚުލްގު ހެޔޮކަމުގެ ވާހަކައިގެ މެދު ތެރޭން ހޯލަށް ވަދެގެން އައީ ދެވަނަ އެހެން މީހެއް ނޫނެވެ! އެއީ ހަމަ މަރުޙޫމެވެ!
މީހުންނަށް ލިބުނީ ސިހުމެކެވެ. މަރުހޫމުގެ ބޮލުގެ އިސްތަށްޓަށް ދަމައި، ކޮލުގެ މަސްގަނޑަށް ދަމައި ހެއްޖެވެ! އެއީ، ހަމަ މަރުހޫމެވެ.
އެ ދުނިޔެއަށް ދާ މީހަކު އެހައި އަވަހަށް އުމުރު ބަދަލު ނުވެ އައިސްފާނެ ކަމަކަށް އެމީހުންގެ ބުއްދިއެއްވެސް ގަބޫލެއް ނުކުރިއެވެ. ދޭވަތާއިންނަށް ގޮވައި، ކަންކަށީގައި ތަޅަމުން، ހައިރާން ކަމާއެކު މީހުން، މަރުހޫމުގެ ގައިން ވަސްބަލައި، އިންސާނެއް ތޯވެސް ޔަގީން ކުރިއެވެ.
ބިންމަތީގައި އޮށޯވެ ތިބެ، މަރުހޫމުގެ ފައި، ބިމުގައި ޖެހިފައި ހުރިތޯވެސް ޔަގީން ކުރިއެވެ.
އެއީ ހަމަ މަރުޙޫމެވެ! ޖިންނިއެއް ނޫނެވެ!
ފުލުހުންނަށް އަންނަން އެންގުނެވެ. އާގަމެވެ ތިބެ، ބޯ ކަހަމުން އިންޑިއާގެ ގުޖުރާތުގެ މެހުސާނާ އަވަށުގެ ފުލުހުން ސުއާލު ކުރަމުން ދިޔައީ، މިއީ މަރުހޫމު ކަމުގައި ވާނަމަ، ދެން އެ، އަންދާލެވުނީ ކާކު ހެއްޔެވެ؟
