އެމެރިކާގެ ނޫސް "ވޮޝިންޓަން ޕޯސްޓް" އިން ކަށަވަރުކޮށްދިން ގޮތުގައި އިޒްރޭލުގެ ޒަޔަނިސްޓު ސިފައިން ހަނގުރާމަ ކޮށް ވަރުބަލި ވެއްޖެއެވެ.
"ހަނގުރާމައިގެ ސަބަބުން ސިފައިންގެ ހިތްވަރު ބަލިވެ، މަރުވާ މީހުންގެ އަދަދު އިތުރުވެ، ހަނގުރާމައިގެ ދާއިރާ ފުޅާވެގެން ދިއުމުން" ސިފައިންގެ ތެރޭގައި ނުތަވަނަސްކަން އިތުރު ވެފައިވާ ކަމަށް ވޮޝިންޓަން ޕޯސްޓްގައި ބުނެފައި ވެއެވެ.
އެ ނޫހުގައި ފާހަގަކޮށްފައިވާ ގޮތުގައި "ގާތްގަނޑަކަށް 80،000 އިޒްރޭލު ސިފައިން ވަނީ އާއިލާއާއި ވަޒީފާތައް، ނޫނީ ކިޔެވުން ދޫކޮށް، ނުވަތަ އިޒްރޭލު ދޫކޮށް ބޭރު ވާން ރާވަމުންދާ" ކަމަށް ބުނެފައިވެ އެވެ.
ޒަޔަނިސްޓު ސިފައިންގެ ތަރުޖުމާން ނަދާވް ޝޮޝާނީއާ ހަވާލާދީ އެނޫހުން ބުނެފައި ވަނީ "އޮކްޓޯބަރު ހަތް ވަނަ ދުވަހުގެ ފަހުން ސިފައިންގެ ތެރޭގައި ޚިދުމަތަށް ނިކުންނަ މީހުންގެ އަދަދު ގާތްގަނޑަކަށް 15 ޕަސެންޓަށް ދަށްވެފައިވާ" ކަމަށެވެ.
ރިޒާވް ސިފައިންގެ ތެރޭން ޚިދުމަތަށް ނިކުތުމަށް ދެކޮޅު ހަދާ މީހުންގެ އަދަދު މިހާރު ވަނީ ކުރިން އެވްރެޖް ކޮށް 3،200 އިން 2023 ވަނަ އަހަރުގެ އޮކްޓޯބަރު މަހާއި ޑިސެމްބަރު މަހާއި ދެމެދު 130،000 އަށް އަރާފައި ކަމަށްވެސް ވޮޝިންޓަން ޕޯސްޓުން ރިޕޯޓްކުރި އެވެ.
"ކުދި ވިޔަފާރިތައް ފުނޑިއްޖެ އެވެ. އަލަށް ފަށާ، ސްޓާޓްއަޕްތަކަށް ކެޕިޓަލް ގެއްލިއްޖެއެވެ. ކާމިޔާބު ކަމާއެކު ހިންގަމުން ގެންދާ ކުންފުނިތަކުން ވިސްނަމުން ދަނީ އެހެން ތަނަށް ވިޔަފާރި ބަދަލު ކުރާށެވެ." ވޮޝިންޓަން ޕޯސްޓްގެ ރިޕޯޓުގައި ވެއެވެ.
