ބޭނުންވާ ތަކެތި
2 މޭޒުމަތީ ސަމްސާ ބަޓަރު
500ގްރާމް ބޯންލެސް ޗިކަން (ލޮނު އަދި އަސޭމިރުސްކޮޅެއް ލައިގެން މަޑުކޮށް އަދި ކުދިކޮށް ކޮށާފައި)
2/1 ޖޯޑް ފިޔާ (ކުދިކޮށް ކޮށާފައި)
1ޖޯޑް ބެލް ޕެޕަރ (ކުދިކޮށް ކޮށާފައި)
1ޖޯޑު ބައި އަލުވި (ފެނުކައްކާފައި ކުދިކޮށް ކޮށާފައި)
2 ތޮޅި މިރުސް (ކުދިކޮށް ކޮށާފައި)
2 ޓޮމާޓޯ (ކުދިކޮށް ކޮށާފައި)
8 ކުކުޅު ބިސް
3/1ޖޯޑް ދިޔާ ކިރު
2/1 ސައިސަމްސާ ތެޅި އަސޭމިރުސް
2/1 ޖޯޑް ޝެޑަރ ޗީޒް
ތައްޔާރު ކުރާނޭގޮތް
ތެއްޔަށް ބަޓަރުކޮޅު އެޅުމަށްފަހު އުދުނަށް އުއްދަވާ، ހޫނުވުމުން ފިޔާ ކޮޅުއަޅުއްވާ ކުޑަކޮށް ވަޅޯވުމުން ބެލް ޕެޕަރ އަޅުއްވާށެވެ. ދެން އޭގެތެރެއަށް އަލުވި، މިރުސް ، ޓޮމަޓޯ އަދި ކުރިން މަޑު ކުރައްވާފައި ހުރި ކުކުޅު ކޮޅު އަޅުއްވާ 3މިނެޓް ވަންދެން ބެހެއްޓެވުމަށްފަހު ލޮނު ހެޔޮވަރު ކުރެއްވުމަށްފަހު އުދުން މަތިން ބާލުއްވާ ހިހޫކުރުމަށްޓަކައި ބަހައްޓަވާށެވެ. ވަކިން ބޯލްއެއްގައި ބިސް، ކިރު އަދި އަސޭމިރުސް އަޅުއްވައިގެން ރަގަޅަށް ގިރާލައްވާށެވެ. ޓްރޭގެ ތެރެއަށް ކުރިން ހަދާފައިވާ މަސްގަނޑު އަޅުއްވާ ފަތުރާލެއްވުމަށްފަހު އޭގެ މައްޗަށް ގިރުއްވި ބިސްކޮޅު އަޅުއްވާ އަދި އޭގެ މައްޗަށް ކޮށާފައިވާ ޗީޒްކޮޅުވެސް އަޅުއްވާށެވެ. ޓްރޭގެ މަތީގީގައި ފޮއިލް އެޅުއްވުމަށްފަހު އަވަން ހޫނު ކުރެއްވުމަށްފަހު، 180ޑިގްރީގައި 30މިނެޓް ވަންދެން ފިއްސަވާށެވެ. އަދި ޓްރޭގެ މަތީގައިވާ ފޮއިލް ނެންގެވުމަށްފަހު އިތުރު 15 މިނެޓްގައި އަވަންގައި ވިއްސަވާސެވެ. ފިހެވުމުން ހިހޫ ކުރައްވާ ފޮތި ފޮއްޗަށް ކޮއްޓެއްވުމަށްފަހު ސާރވް ކުރައްވާށެވެ. މި ޑިޝްއަކީ ހެދުނުގެ ނާސްތާ އަށް ވަރަށް ރަގަޅު ޑިޝްއެކެވެ.
