ރަޝިޔާއިން ޔޫކްރައިނުގެ ހަކަތަ އުފައްދާ ތަންތަނަށް ވަރަށް ވަރުގަދަ ހަމަލާއެއްދިނުމުގެ ސަބަބުން މިލިޔަނަކަށްވުރެ ގިނަ މީހުން އަނދިރީގައި ތިބެން ޖެހިއްޖެއެވެ.
ރަޝިޔާއިން ޔޫކްރައިނުގެ ހަކަތަ އުފައްދާ އިންފްރާސްޓްރަކްޗަރއަށް ވަރަށް ވަރުގަދަ ހަމަލާއެއް ދީފައި މިވަނީ، އެމެރިކާ އާއި އިނގިރޭސިވިލާތުގައި އުފައްދާފައިވާ މިސައިލް ބޭނުންކޮށްގެން ރަޝިޔާގެ ފުނަށް ހަމަލާދޭން ޔޫކްރައިނުން މަސައްކަތް ކުރުމުން އެކަމުގެ ބަދަލެއް ގޮތުގައި ކަމަށް ރަޝިޔާގެ ރައީސް ވްލަޑިމިއަރ ޕޫޓިން ވިދާޅުވިއެވެ.
ޔޫކްރައިނުގެ ވެރިރަށް ކިއޭވް އާއި އެހެނިހެން އަވަށްތަކަށް ރަޝިޔާގެ މިސައިލާއި ޑްރޯން ހަމަލާތައް އަމާޒުވިއިރު، ރަޝިޔާއިން 180 އެއްހައި މިސައިލު ޔޫކްރައިނަށް ފޮނުވާލި ކަމަށް ޔޫކްރައިނުގެ އޮފިޝަލުންނާ ހަވާލާދީ ބީބީސީއިން ބުނެއެވެ.
