ރާއްޖޭގެ އެއްވެސް ރަށެއްގައި ކްރިސްމަސް ފާހަގަ ކުރަން ހަރަކާތްތައް ހިންގުމަކީ މަނާކަމެއްކަން އިސްލާމިކް މިނިސްޓްރީއިން ހަނދާން ކޮށްދީފިއެވެ.
މިމަހުގެ 25 ވަނަ ދުވަހު ނަސާރާއިން ފާހަގަ ކުރާ ކްރިސްމަސްއާ ދިމާކޮށް، އިސްލާމީ ކަންތައްތަކާ ބެހޭ ވަޒީރު، ޑރ. މުހައްމަދު ޝަހީމް އަލީ ސައީދު ސޮއިކުރައްވައި ހުރިހާ ރަށެއްގެ ކައުންސިލަށް ފޮނުވާފައިވާ ސާކިއުކާއެއްގައި ބުނީ ޓޫރިސްޓުން އަދި ގެންނަ ފަރާތްތަކުން ރާއްޖޭގެ ގާނޫނުތަކާއި ގަވާއިދުތަކާ އެއްގޮތަށް އަމަލުކުރުމަށް އެ މީހުންނަށް އިރުޝާދު ދޭން ވާނެ ކަމަށެވެ.
"ރާއްޖޭގެ އެއްވެސް އާންމު ތަނެއްގައި އިސްލާމްދީން ފިޔަވައި އެހެން އެއްވެސް ދީނެއްގެ އަޅުކަމާ ގުޅޭ އެއްވެސް ކަމެއް ހިންގުމަކީ، ކަނޑައެޅިގެން މަނާކަމެކެވެ. އެހެންކަމުން، ރާއްޖެއިން ބޭރުން ރާއްޖެއަށް މީހުން ގެންނަ ފަރާތްތަކުން މި މައުލޫމާތު އެ ފަރާތްތަކަށް ސާފުކޮށްދީ، އިރުޝާދު ދިނުމަށް ދަންނަވަމެވެ،" މިނިސްޓްރީގެ ސާކިއުލާގައިވެ އެވެ.
މީގެ އިތުރުން މި ސަރކިލާގައި ވަނީ ރާއްޖޭގެ ރައްތަކުގައި ފަތުރުވެރިން ނިވާކަންކުޑަ ހެދުން އަޅައިގެން އުޅުން އެއީ މަނާކަމެއް ކަމުގައިވެސް ކައުންސިލްތަކަށް ހަނދާން ކޮށްދީފައެވެ. ލޯކަލް ޓުއަރިޒަމް ހިންގާ ގިނަ ރަށްރަށުގައި ފަތުރުވެރިން ނިވާކަންކުޑަ ހެދުން އަޅައިގެން އުޅުމަކީ އާންމުކެމެވެ. ކައުންސިލްތަކުންވެސް މިކަން ހައްލުކުރަން މާބޮޑު ސަމާލުކަމެއް ނުދެއެވެ.
