ޒަޔަނިސްޓު ޓެރަރިސްޓް ޔަހޫދުން ދެއިރުލްބަލަހްގެ ސްކޫލަކަށް ބޮން އަޅައި ހަތަރު މީހުން ޝަހީދުކޮށްލައި ފިއެވެ. އެއިން އެކަކަކީ ކުޑަ ކުއްޖެކެވެ. އަދި 25 މީހުން ޒަޚަމްކޮށްފައި ވެއެވެ.
މި ހަމަލާ ދީފައި ވަނީ ގަތުލުއާންމު ހިންގައި ނަސްލު ނައްތާލުމަށް އެމެރިކާއިން ޒަޔަނިސްޓް ޓެރަރިސްޓް އިޒްރޭލަށް ދީފައިވާ ހަތިޔާރު ބޭނުންކޮށްގެންނެވެ.
މީގެ އިރުކޮޅެއް ކުރިން ހިންގާފައިވާ މި ގަތުލުއާންމު ހިންގާފައި ވަނީ ފަލަސްޠީނު އާއިލާއަކުން އެސްކޫލުގައި ބޯހިޔާވަހިކަން ހޯދާފައި ވަނިކޮށެވެ.
އެމެރިކާއިން ދީފައިޥާ ހަތިޔާރު ބޭނުން ކޮށްގެން ހަނގުރާމައިގެ ޖަރީމާތައް ހިންގުމުގައި އިޒްރޭލުން ސްކޫލުތަކާއި ހަސްފަތާލުތަކަށް ހަމަލަ ދިނުމަށް ފަހެއް ނުޖެހެއެވެ.
