ޖަޕާނުން ވަނީ ދިގު މުއްދަތަކަށް ނޫނީ ކުރު މުއްދަތަކަށް ޖަޕާނަށް އެތެރެވާން ބޭނުންވާ އޭޝިއާގެ 6 ގައުމެއްގެ މީހުން ޖަޕާނަށް އެތެރެވާއިރު ޓީބީއަށް ޓެސްޓްކޮށްފައިވާ ކަން އަންގައިދޭ ސެޓިފިކެޓް ހުށަހަޅަން ޖެހޭ ގޮތަށް ނިންމާފައެވެ. އެޤައުމުތަކުން އަންނަ މީހުންނާ މެދު އެގޮތަށް އަމަލު ކުރާނީ 2025ން ފެށިގެންނެވެ.
މި 6 ގައުމަކީ، ނޭޕާލް، އިންޑޮނޭޝިއާ، ޗައިނާ، ފިލިޕީންސް، ވިއެޓްނާމް އަދި މިޔަންމާ އެވެ.
މި 6 ގައުމުގެ މީހުން ޖަޕާނަށް އެތެރެ ވުމުގެ ކުރިން އެމީހުން ގެ ގައުމުގައި ޓެސްޓް ހަދާނީ ޖަޕާނުން އެޕްރޫވްކޮށްފައިވާ ސިއްޙީ ފަރުވާ ދޭ މަރުކަޒަކުންނެވެ. އަދި މިއިން ގައުމެއްގެ މީހަކު ޖަޕާނަށް ދތުރު ކުރަނީ އެހެން ގައުމެއްގައި އުޅެފައި ކަމަށް ވަނީނަމަ، އެމީހަކު މި ޓެސްޓުން އިސްތިސްނާ ވާނެއެވެ.
