އެމެރިކާގެ ވާގިވެރިވުމާއެކު ހަނގުރާމައިގެ ޖަރީމާތައް ހިންގާ ޒަޔަނިސްޓު ޓެރަރިސްޓުން ކަމާލް އަދްވާން ހަސްފަތާލުގައި ހުޅުޖެހުމުން އެތާނގައި ތިބި ބަލި މީހުން ވަނީ ޣައްޒާގެ އިންޑޮނޭޝިއާ ހޮސްޕިޓަލަށް ބަދަލުކޮށްފައެވެ. އިންޑޮނޭޝިއާ ހަސްފަތާލުގައި ކަރަންޓެއްވެސް ފެނެއްވެސް ނެތެވެ. އަދި ފަރުވާ ދޭނެ ބަޔެއްވެސް ނެތެވެ. ޣައްޒާގެ ހެލްތު މިނިސްޓްރީން ބުނަނީ އެ ބަލިމީހުން ނުރައްކަލަށް ހުށަހެޅިފައިވާ ކަމަށެވެ. ޒަޔަނިސްޓު ޓެރަރިސްޓުން މުޅި ހަސްފަތާލުގެ އިންފްރާސްޓްރަކްޗަރ ހަލާކުކޮށްފައި ވުމުން އެތަން އޮތީ ވަރަށް ހާލުގައި ކަމަށް ބުނެއެވެ. (ފޮޓޯގައި)
ޒަޔަނިސްޓު ޓެރަރިސްޓުން ވަނީ އެންމެ ފަހުން، ކަމާލް އަދްވާން ހަސްފަތާލުގެ ޑިރެކްޓަރު ހުސާމް އަބޫ ސާފިޔާ ވެސް ހައްޔަރުކޮށްފައެވެ.
އެމެރިކާގެ ވާގިވެރިވުމާއެކު އިޒްރޭލުން ހިންގަމުން ގެންދާ ނަސްލު ނައްތާލުމުގައި މިހާތަނަށް ޣައްޒާގެ 45436 މީހުން ޝަހީދުކޮށްފައި ވެއެވެ.
ކަމާލް އަދްވާން ހަސްފަތާލުގައި ޒަޔަނިސްޓު ޓެރަރިސްޓުން ހުޅުޖެހީ، 80 ދުވަސްވަންދެން އެ ހަސްފަތާލަށް ހަލަތައް ދެމުން ގޮހެވެ.
