މީގެ 40 އަހަރު ކުރީގެ ވާހަކައެކެވެ! ސޫރިޔާގެ ކުރީގެ ރައީސް ހާފިޒުލް އަސަދުގެ ވެރިކަމުގައި ޙަމާގައި ސުންނީ މުސްލިމުން، އީދު ނަމާދަށް އެއްވެ ތިއްބައި، އަސަދުގެ ސިފައިން ޓޭންކުތަކުގައި މީހުންތައް ވަށާލައިގެން އެމީހުންނަށް ހަމަލަ ދިނެވެ. މިއީ މީގެ 40 އަހަރުގެ ކުރީގެ ޖަރީމާއެކެވެ. ހާފިޒުލް އަސަދުގެ އޯޑަށް މި ޖަރީމާ ހިންގީ އޭނާގެ ކޮއްކޮ ރިފްޢަތުލް އަސަދުއެވެ. އެއިރު އޭނާއަކީ އާޓިލަރީގެ ކޮމާންޑަރެވެ.
މި ހަމަލަ ދިނުމާ ހަމައަށް އެންމެ ގިނައިން އެއް ވަގުތެއްގައި މުސްލިމުން މަރާލި ކަމުގެ ރެކޯޑް އޮތީ ހާފިޒުލް އަސަދުގެ އަތުގައެވެ. ފަހުން އިޒްރޭލުން ވަނީ ރެކޯޑް މުގުރާލާފައެވެ.
އެއަށް ފަހު ރިފްޢަތުލް އަސަދު ވެގެން ދިޔައީ ސޫރިޔާގެ ނާއިބް ރައީސަށެވެ. އަދި ހާފިޒު މަރުވުމުން އޭނާގެ ދަރިފުޅު ބައްޝާރު ވެގެން ދިޔައީ ރައީސަށެވެ.
ޙަމާގެ މި ގަތުލުއާންމަށްފަހު ރިފްޢަތު މަޝްހޫރު ވެފައިވަނީ "ޙަމާގެ ޖައްލާދު"ގެ ނަމުންނެވެ.
މިއަހަރު މާޗް މަހު ސުއިޒަރލެންޑްގެ ކޯޓަކުން ވަނީ އިންސާނިއްތަޔާ ދެކޮޅު ޖަރީމާތަކެއް ހިންގި ކަމަށާއި އަދި ހަނގުރާމައިގެ ޖަރީމާތަކެއް ހަމާގައި މީގެ 40 އަހަރު ކުރިން ހިންގިކަމުގެ ކުށުގައި ރިފްޢަތަށް ޙުކުމް ކޮށްފައެވެ.
ރިފްޢަތުގެ ދަރިފުޅު ދުރައިދުލް އަސަދުގެ އަންހެނުން ރަޝާ ކާޒިމްއާއި އަންހެން ދަރިފުޅު ޝަމްސް ވަނީ ލުބުނާންގައި މިއަދު ހައްޔަރުކޮށްފައެވެ. މިމީހުން ބެއިރޫތު އެއަރޕޯޓުން ހައްޔަރުކޮށްފައިވަނީ ވަގު ޕާސްޕޯޓެއްގައި މިސްރަށް ފިލައިގެން ދާން އުޅުމުގެ ތެރޭގައެވެ.
މިމީހުން ލުބުނާނަށް ވަދެފައި ވަނީ ޖައުލާނީގެ ހަނގުރާމަވެރިން ދިމިޝްޤް، ހިފުމުންނެވެ. އަދި ލުބުނާނަށް ވަދެފައިވަނީވެސް ވަގަށް ކަމަށް ބުނެއެވެ.
