އުމުރުން 22 އަހަރުގެ ޒުވާން ނޫސްވެރިޔާ ޝައްޠާ އައްޞައްބާޣް ވަނީ ޝަހީދުކޮށްލާފައެވެ. އޭނާ ޝަހީދުކޮށްފައި ވަނީ އޭނާ ދިރިއުޅޭ ހުޅަނގު އައްސޭރީގެ ޖެނިންގައި ގޭގެ ބޭރުގައި ހުއްޓައި ބޮލަށް ބަޑި ޖަހައިގެންނެވެ.
އޭނާގެ ބޮލަށް ބަޑި ޖެހީ ކާކު ހެއްޔެވެ؟
މަހުމޫދު އައްބާސްގެ ފުލުހުން ދަނީ ޖެނިންގައި އިޒްރޭލު ސިފައިންނާއެކު ދެކޮޅުވެރި ފަލަސްޠީނު މީހުންނާ ކުރިމަތިލަމުންނެވެ. ފަލަސްޠީނު މީހުން ބުނަނީ އައްބާސްގެ ފުލުހުންނަކީ ޔަހޫދީ ޒަޔަނިސްޓު ސިފައިންނަށް ގުލާނު ކޮށްދޭ ބަޔެއް ކަމަށެވެ.
ނޫސްވެރިޔާ ޝައްޠާ އައްޞައްބާޣްގެ ބޮލަށް ބަޑި ޖަހައި އޭނާ ޝަހީދުކޮށްލީ އައްބާސްގެ ފުލުހުންނެވެ!
ޝައްޠާގެ ޅިޔަނު މީޑިއާއަށް މައުލޫމާތު ދިން ގޮތުގައި ޝައްޠާގެ ބޮލަށް އައްބާސްގެ ސްނައިޕަރު ބަޑިޖެހިއިރު އޭނާހުރި ހިސާބުގައި ހަނގުރާމަވެރިންނެއް ނެތެވެ. އަދި އެއީ އަނދިރި ހިސާބެއް ވެސް ނޫނެވެ. މުޅި ހިސާބު އޮތީ ދިއްލާފައެވެ.
ޝައްޠާއާއި އޭނާގެ މަންމަ އުޅުނީ ކުރިން ޒަޔަނިސްޓުން ދިނަ ހަމަލައެއްގައި އެމީހުންގެ ގެ ހަލާކުވެފައިވާތީ އެހެން ގެއެއްގައެވެ.
ޝައްޠާއަކީ އައްބާސްގެ ފުލުހުން، ޒަޔަނިސްޓު ސިފައިންނަށް ގުލާނުކޮށްދޭން ފެށިފަހުން ޝަހީދުކޮށްލި 5 ވަނަ ޒުވާނާއެވެ.
