ވެރިރަށް މާލޭގެ ގެއަކުން ވަގަށް ނަގާފައިވާ 2 މިލިއަން ރުފިޔާގެ ސާމާނު ފުލުހުން ހޯދައި އޭގެ ވެރިފަރާތާ ހަވާލުކޮށްފިއެވެ.
މިކަން ހާމަކޮށް ފުލުހުން ވިދާޅުވީ މިތަކެތި ވަގަށް ނެގި ކަމުގެ ރިޕޯޓް ލިބުނީ އިއްޔެގެ ވަގުތެއްގައި ގަލޮޅުގައި ހުންނަ ގެއަކުންނެވެ. ވަގަށްނެތި ތަކެތީގެ ތެރޭގައި ކެމެރާ، ލެޕްޓޮޕް، ފޯނުގެ އިތުރުންވެސް ގިނަ އަދަދެއްގެ އިލެކްޓްރޯނިކް އާލާތްތައް ހިމެނެއެވެ. މީގެ އިތުރުން ގިނަ އަދަދެއްގެ ޑޮލަރާއި، އިނގިރޭސި ޕައުންޑުގެ އަދި އެހެނިހެން ގައުމުތަކަށް ނިސްބަތްވާ ފައިސާ ހިމެނެއެވެ.
ފުލުހުން ވިދާޅުވީ މިތަކެތި ހޯދީ ގަލޮޅު ޕޮލިސް އިންވެސްޓިގޭޝަނާއި ރެސްޕޮންސް އެންޑް ޕެޓްރޯލް ގުޅިގެން ކުރި މަސައްކަތުންނެވެ.
