އެމެރިކާގައި އައު އަހަރާ ދިމާކޮށް ދީފައިވާ 2 ޓެރަރިސްޓް ހަމަލައާ އެމެރިކާގެ ސަރުކާރުގެ މުއައްސަސާތަކާ ގުޅުމެއްވާ ކަމަށާއި އެ 2 މީހުން ތައްޔާރުކޮށް، ސިކުނޑި ދޮވެލުމުގައި ސަރުކާރުގެ މުއައްސަސާތަކުގެ ދައުރެއް އޮތްކަން ތުހުމަތު ކުރެވެއެވެ.
މި ދެ މީހުންގެ ތެރޭން އެކަކަކީ، 42 އަހަރުގެ ޝަމުސުއްދީން އަބްދުލްޖައްބާރެވެ.
ދެވަނަ މީހާއަކީ 37 އަހަރުގެ މެތިއު ލިވެލްސްބާގަރ އެވެ.
ދެ މީހުންގެ ފަސް މަންޒަރާއި، އަމަލުތައް ހުރި ގޮތާއި، ވަގުތާއި، ކަންކުރި ގޮތް އެއްގޮތްކަމަށް ދައްކައެވެ.
ދެމީހުންނަކީ އެމެރިކާ ސިފައިންގެ ތެރޭގައި، އެއް ޔުނިޓެއްގައި އެއް މަސައްކަތް ކުރި ދެމީހުންނެވެ.
ދެމީހުން ހަމަލަ ދިނީ، އެއް ދުވަހެއްގައި، ދާއި ކައިރިކައިރީގައެވެ.
ދެމީހުން އުޅަނދު ކުއްޔަށް ހިފާފައި ވަނީ އެއް ކުންފުންޏަކުންނެވެ.
ދެމީހުން ހަދާފައިވަނީ އެއް ތަމްރީނެކެވެ.
އެ ތަމްރީނަކީ، މި ދެމީހުންގެ ހަޔާތުގެ އެންމެ ހައިރާން ކުރަނިވި ބައެވެ. ދެމީހުންނަކީވެސް މީހުންގެ ސިކުނޑި ދޮވެލުމަށާއި ޕްރޮޕެގެންޑާ ކުރުމަށް އެމެރިކާ ސިފައިންގެ އެކަމަށް ޚާއްސަ މުއައްސަސާ ކަމަށްވާ ފޯޓް ބްރެގްގައި ސިކުނޑި ދޮވެ، ޕްރޮޕެގެންޑާ ކުރުމަށް އުފައްދާފައިވާ ސިފައިންގެ ދެ މީހުންނެވެ.
އެމެރިކާ ސިފައިންގެ ސައިކޮލޮޖިކަލް އޮޕަރޭޝަންސް (ސައިއޮޕް) އާއި މި ދެ މީހުން ގުޅުނު އިރު، ދެ މީހުންވެސް ވަނީ، އެތާގައި 10 ދުވަހުގެ ޚާއްސަ ތަމްރީނެއް ހަދާފައެވެ.
އެ ތަމްރީނަކީ، ސިފައިންގެ މީހުން، މި ޖިސްމާނީ އަދި ނަފްސާނީ ގޮތުން ޑިމާންޑް ބޮޑު ތަމްރީނު ތަހައްމަލު ކުރަން ކެރޭވަރު ބެލުމަށް ހަދާ ވަރަށް ހަރުކަށި 10 ދުވަހުގެ ތަމްރީނެކެވެ.
މި 10 ދުވަހަށް މީހާ ހޮވާނީ ވެސް އުދަގޫ މަރުހަލާ އަކުންނެވެ. ސައިއޮޕްގެ ފުރަތަމަ 10 ދުވަހު ފޯކަސް ކުރުން އޮންނާނީ، ކެންޑިޑޭޓެއްގެ ޖިސްމާނީ ބާރުގަދަ ކަމާއި، ސިކުނޑީގެ ވަރުގަދަކަމާއި، ވިސްނުމުގެ ތޫނުފިލިކަމާއި، ވާހަކަ ދެއްކުމުގެ ހުނަރާއި އަދި ދެމެހެއްޓެނިވި ގޮތެއްގައި ކަމަކަށް ސަމާލުކަން ދީގެން މަސައްކަތެއްގައި އުޅުމުގެ ކުޅަދާނަ ކަމުގެ މައްޗަށެވެ.
ކެންޑިޑޭޓުން މި ތަމްރީނަށް ފަހު، ރިޕޯޓް ލިޔުމާއި، ބޭނުންވާ ގޮތަށް އެހެން މީހުންގެ ބޯކައި ލުމަށް މެސެޖުތައް ތައްޔާރު ކުރާނެ ގޮތާއި، ނުވަތަ ކަންކަން ހަގީގަތާ ދެކޮޅަށްވެސް އަނެކާގެ ބޮލަށް ވައްދައި ދިނުމަށް ވާހަކަ ދައްކާނެ ގޮތާއި، ހަގީގީ ދުނިޔޭގެ ހާލަތްތަކުގައި ނަފްސާނީ އޮޕަރޭޝަން ހިންގުމަށް މަސައްކަތް ކުޜާނެ ގޮތް ދަސްކޮށްދޭނެއެވެ.
މި ބައި ނިމިގެން، ބައިވެރިންގެ ނަފްސާނީ ހާލަތު ވަޒަންކޮށް، އޮޕަރޭޝަންގައި އެމީހަކަށް އަދާ ކުރެވޭނެ ދައުރަށް އެކަށީގެންވޭތޯ ބަލާނެއެވެ.
މި މިންގަނޑުތަކަށް ފެތޭ ކެންޑިޑޭޓުންނަށް "ސައިކޮލޮޖިކަލް އޮޕަރޭޝަންސް ކޮލިފިކޭޝަން ކޯސް" އިތުރަށް ކުރިއަށް ގެންދިއުމަށް ދައުވަތު ދެވޭނެއެވެ.
މި ހަމަލަތަކުގައި ބައިވެރި ދެމީހުންނަކީ މި 10 ދުވަހުގެ ކޯސް ފުރިހަމަކޮށްފައި ދައުވަތު ދީގެން އިތުރަށް އެއަށްވުރެން ހަރުކަށި މަތީފެންވަރުގެ ކޯސްވެސް ފުރިހަމަކޮށް، ދަސްވެނި ވެފައިވާ 2 މީހުންނެވެ.
އިތުރަށް އެޑްވާންސް ފެންވަރުގައި، މިމީހުންނަށް އުގަންނައި ދެވެނީ، ހިއުމަން ސައިކޮލޮޖީ، ސޯޝިއޮލޮޖީ އަދި ސަގާފީ ހާލަތްތައް ދިރާސާކޮށް، މީހުންނަށް ނުފޫޒު ފޯރުވުމުގެ ސްޓްރެޓެޖީތައް ޑިޒައިން ކޮށް، ވަގުތާއި ހާލަތަށް އެކަށީގެންވާ ގޮތަށް ބޯކާލުމަށް މެސެޖުތައް ބައްޓަންކޮށް ހުށަހެށުމުގެ ފިލާވަޅުތަކެވެ.
އަދި ސިކުނޑި ދޮވުމުގެ މަސައްކަތް އަމާޒުކުރާ ގްރޫޕްތައް ދެނެގަނެ، އެމީހުން ތަޙުލީލުކުކޮށް، މިޝަންގެ މަޤްޞަދުތަކާ އެއްގޮތްވާ ގޮތަށް އެމީހުންނަށް ބޭނުންވާ ކަންކަން ބޮލަށް ވައްދައި ދޭންވެސް ދަސްކޮށް ދެވޭނެއެވެ.
މި ދެމީހުން އެޑްވާންސް ޓްރެއިނިން ނިންމުމަށް ފަހު ގެންގުޅެފައި ވަނީ، އެމީހުންގެ ޤާބިލުކަން ޓެސްޓްކުރުމުގެ ޑައިނަމިކް މާހައުލުތަކުގައެވެ.
އެއީ، ހަމަނުޖެހުންތަކާއި ކޯޅުންތައް ބޮޑު އޮޅުން ބޮޅުން ބޮޑު އެތެރޭގެ މާހައުލެކެވެ. އެ މާހައުލުގައި މީހާ އުޅޭ ގޮތާއި އުޅުން އަދި ވިސްނުން، ތަފާތު އުކުޅުތައް ބޭނުންކޮށްގެން މަތީ އޮފިސަރުން ވަޒަން ކޮށް މާކްސް ދޭނެއެވެ.
މި ދެ މީހުން ވަނީ މި ބައިން ވެސް މަތީ ފެންވަރުގައި ފާސްވެފައެވެ.
މި ދެމީހުން ވަނީ ސިފައިންގެ ތެރޭގައި އެމީހުންނާ ޙަވާލު ކުރެވުނު ދައުރުތައް އެންމެ ފުރިހަމައަށް އަދާކޮށް، މެޑެލިތައް ހޯދާފައެވެ.
މިމީހުން ދިން ޓެރަރިސްޓް ހަމަލަތަކުގައި އެ ދެ މީހުންވެސް ވަނީ މަރުވެފައެވެ! މަރާލާފައެވެ! (ރައީސް ޖޯން އެފް ކެނެޑީ އަވަހާރަ ކޮށްލި މީހާއަށް ވީ ކިހިނެއް ހެއްޔެވެ؟)
މިހާރު ލިބެން ހުރި މައުލޫމާތާއި އަދި އެކި ފަރާތްތަކުން ކޮނެފައިވާ މައުލޫމާތުން ދޭހަ ވަނީ، ޓްރަމްޕްގެ ހޮޓަލަށް ޓެސްލާ ޕިކަޕް ވައްދައި ގޮއްވާލި މީހާއަކީ ސިކުނޑި ދޮވެލުމުގެ އޮޕަރޭޝަންތައް ހިންގާ، ފޯޓް ބްރެގްގައި މި ފަހުންވެސް ވަގުތު ހޭދަކޮށްފައިވާ މީހެއް ކަމަށެވެ.
ގާނޫނީ ވަކީލެއް ކަމަށްވާ ޓޯނީ ސެރޫގާ މީޑިއާގައި ބުނެފައި ވަނީ، އޭނާ ތަހުލީލުކޮށްފައިވާ ފޯނާއި ލެޕްޓޮޕާއި އަދި ވެހިކަލްގެ ޖީޕީއެސް ޑޭޓާ ގެ ތަހުލީލުތަކުން ދައްކަނީ، މީގެ 4 އަހަރު ކުރިން ފޯޓް ބްރެގް އަށް، މެތިއު ލިވެލްސްބަރގަރ، 147 ފަހަރު ޒިޔާރަތްކޮށްފައިވާ ކަމަށެވެ. އަދި އެތާނގައި، 29 ދުވަހާއި ރޭ އޭނާ ހޭދަކޮށްފައިވާ ކަމަށެވެ!
ގުޅުން ހުރި ޚަބަރެއް:
